ELA sindikatuak azpimarratu du "behin eta berriz" salatu duela itxieraren atzean dagoela planta deslokalizatzeko xedea. Hori dela eta, "hasiera-hasieratik" planteatu zuen greba mugagabea, baina adierazi du gainerako sindikatuak ez zetozela bat planteamendu horregaz. Orain, enplegu erregulazioko espedientearen kontsultaldia hasteko hilabete falta denean, "inoiz baino beharrezkoagoa" ikusten du greba: "Stellantis taldearen aurrean mobilizazioak indartzeko unea da, 148 langile kalean gera ez daitezen, enpresak irabaziak izan dituen arren. Horregatik, ELAk bere apustua berresten du".
Era berean, ELAk erakundeei eskatu die politika publikoak aldatzeko eta irtenbide baten bila lan egiteko, enplegua suntsitu edo Mecanerreko plantillaren lan baldintzak okertu gabe. "Ezin da onartu Stellantisek Mecaner ixtea, enpresa bideragarria baita", deitoratu du sindikatuak.
