Enpresako batzordeko kidea den Unai Mirasolainek adierazi bezala, kontsulta-aldian sartzear daude, zehazki martxoaren 4an hasiko da: "Stellantis multinazionalari galdetuko diogu ea gugaz batera aurrera egin nahi duen ala ez. Hala ere, badakigu erantzuna ezezkoa izango dela". Halaber, azaldu du Eusko Jaurlaritzari txostenaren zirriborro bat aurkeztu dietela, baina, nahiz eta orain arte egindako bidea "ondo ikusi", inbertsore bat behar dutela adierazi diete.
Hala, gaur, 4 hilabete hauetan osatutako txostena aurkeztu diete lantokiko beharginei Urdulizko kultur etxean, Martin Layanaren eskutik. Bestalde, Mecanerren itxierak eskualdean izango duen eragina dela eta, langileek biztanleak batu gura dituzte martxoaren 2an, zapatuan, Urdulizen antolatuko duten manifestaldi handi batean. Arrastiko 17:00etan izango da, eta bertan Mecanerren eta industriaren alde egin gura dute.
‼️Fase erabakigarri batean daudela jakinarazi dute Mecanerreko beharginek: gaurkoan alternatiba ekosozialerako txostena aurkeztu diete langileei. Gainera, martxoaren 2an Urdulizen manifestazio handi egingo dutela iragarri dute.@LABsindikatua pic.twitter.com/gAy6Fapld9
— Hiruka (@HirukaEus) February 15, 2024
