Martxoaren 2an, zapatuan, manifestazio jendetsua antolatu zuen Mecanerreko langile batzordeak lantokiaren etorkizunaren alde, Urdulizen. Hala, ehunka lagun bildu ziren herriko udaletxean Mecanerri babesa emateko asmoz, eta pilotalekura arte abiatu ziren. Modu horretan, beharginek azpimarratu dute lantokia ixtera kondenatu dituzten arren, haiek trantsizio ekosozialeko planaren aldeko apustua egingo dutela. Halere, nabarmendu dute "ezinbestekoa" dela erakunde publikoen inplikazio aktiboa.
Sei hilabete igaro dira Stellantis multinazionalak langileei ixteko asmoa adierazi zienetik. Ordutik, beharginak ez dira geldirik egon, eta alternatiba ekosozialaren bidea proposatu dute lantokiaren etorkizunagaz jarraitzeko. Alabaina, administrazioen eta gizartearen ekarpena eta parte-hartzea beharrezko dutela deitoratu dute euren plana egikaritu ahal izateko eta langileen etorkizuna bermatzeko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
