Mundukatuak

Delia Ester Vera Araujo: “Gabonetako ospakizunetan ezin da barbakoa falta”

Abendua eta urtarrila artean, urtearen amaieragaz, Gabonak ditugu hemen: tripa-festak, familia zein lagun artean; elizkizunak, opariak eta jaia. Munduko beste leku askotan ere garaiok ospatzen dituzte, baina, zelan? Paraguaira egingo dugu salto oraingoan, eta, bertako ohiturak ezagutzeko, Delia Ester Vegagaz batu gara. Hona hemen kontatu diguna.

Paraguain, Gabonak jai jendetsuak izan ohi dira; familia guztia elkartzeko ohitura dute, petardoak botatzen dituzte eta musika jartzen dute. Delia Ester Vera duela lau urte etorri zen Uribe Kostara, eta, gaur egun, egunok bere Erandioko lagunakaz ospatzen dituela dio, familiagaz elkartzea ez delako erraza. 

Bere sorterrian, Gabonak ospatzeko hainbat ohitura dituzte; berbarako, iruditxoakaz egiten den Jesusen jaiotza ere jartzen dute, baina hangoari frutak, barazkiak eta chipak –mandioka almidoiagaz, animali-koipeagaz, gazta eta arrautzagaz egindako gaileta modukoak– jartzen dizkiote, bisitariek ere har ditzaten. Bestalde, ohikoak diren jaki eta edari asko daudela ere azaldu du, besteak beste, barazkiez eta arrautza egosiagaz betetako okela biribilkaria, Matambre izenekoa, eta, horretaz gain, mihia ozpinetan, Paraguaiko zopa. Baina, denen artean, barbakoa da erregea: “Barbakoa ezin da falta”. Batzuetan, chipa haragiagaz ere betetzen dutela dio Verak.

Edariari dagokionez, oso ohikoa da ardoa eta fruta txikitua edatea; horri Clericó deitzen diote. Sagardoa ere edaten dute Paraguain, “baina hangoa hemengoa baino gozoagoa da”, azaldu du Verak.

Erlazionatuak

Arrate Sainz de la Maza: “Euskal Herrian baino gehiago bizi dituzte Gabonak hemen”

Getxo

Abendua eta urtarrila artean, urtearen amaieragaz, Gabonak ditugu hemen: tripa-festak, familia zein lagun artean; elizkizunak, opariak eta jaia. Mu...
Mirza Zaldivar: "Erlijioak eta familiak garrantzi handia du garaiotan"

Getxo

Abendua eta urtarrila artean, urtearen amaieragaz, Gabonak ditugu hemen: tripa-festak, familia zein lagun artean; elizkizunak, opariak eta jaia. Mu...
Ane Otalora: "400 urtez, Gabonak debekatuta egon ziren hemen"

Getxo

Abendua eta urtarrila artean, urtearen amaieragaz, Gabonak ditugu hemen: tripa-festak, familia zein lagun artean; elizkizunak, opariak eta jaia. Mu...
Cristhiana Mercado: “'El viejo' panpina erretzen dute urtea agurtzeko”

Uribe Kosta

Abendua eta urtarrila artean, urtearen amaieragaz, Gabonak ditugu hemen: tripa-festak, familia zein lagun artean; elizkizunak, opariak eta jaia. Mu...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun