Askotarikoak protagonista izango dira aste-akabuan Uribe Kostako inauterietan

Urtero legez, otsailaren akabuan inauteriak ospatzeko garaia helduko da gure inguruetara. Hala, hainbat egunez, mozorroak izango dira nagusi Uribe Kostako kaleetan. Horretarako, gainera, gazte eta ez hain gazteentzako hamaika jarduera prestatu dituzte.

Aratusteak direla eta, Mankomunitatea osatzen duten udalerriek jarduera bereziak prestatu dituzte egunotarako. Berbarako, barrikoztarrak zapatu (otsailak 26) eta domekan (otsailak 27) mozorrotuko dira. Haurrentzako zirku-tailerra antolatu dute zapaturako, 12:00etatik aurrera, eta disko-festa eta otordua egingo dute domeka arrastian; jarduera denak Goierriko Ander Deuna Aretoan egingo dituzte.

Lemoizen ere mozorroak izango dira nagusi zapatuan, hilaren 26an. Pandemiaren eraginez jaia urtebetez bertan behera egon ondoren, Udalak disko-festa eta txokolate-jana egingo du Armintzako frontoian, 18:00etatik aurrera.

Sopelan ere egitarau oparoa prestatu dute barikutik, hilaren 25etik, martxoaren 1era bitartean. Horien artean, nabarmentzekoak dira Leo Bassi, Korrontzi eta Go!azen taldeen emanaldiak Urko kiroldegian. Martitzenean, martxoaren 1ean, gainera, egun handia ospatuko dute, umeentzako askotariko ekitaldiakaz.

Berangon, Sabino Arana kalea izango da jaiaren erdigunea zapatuan, 19:00etatik 21:00etara umeentzako tailerrak, kalejirak eta giroa bermatuta egongo baitira bertan.

Gorlizen, aldiz, mozorroen kalejira egingo dute barikuan, hilaren 25ean, baita Aratz Dantza taldearen ikuskizuna 18:30etik aurrera. Hurrengo egunean ere jaia izango da protagonista, umeentzako tailerrak eta fanfarrea bategaz. Plentzian, ordea, programazio berezi bat prestatu du egunotarako. Barikuan umeentzako aktibitateak egingo dituzte Jai Alai frontoian, 18:00etatik aurrera, eta, hurrengo egunean, zapatuan, ipuin-kontalaria izango da Goñi Portalen, besteak beste.

Erlazionatuak

Mozorroak kalerik kale ikusi ahal izango dira aste-akabu honetan Getxon ere

Getxo

Otsailaren 26an eta 27an, Inauteriak ospatuko dituzte Itzubaltzeta/Romon eta Getxoko Andra Marin, hurrenez hurren. Hala, itzubaltzetarrek arrastiko...
Zirkua, pailazoak eta magia izango dira aurtengo Leioako inauterietako protagonista nagusiak

Leioa

Aurtengo Leioako inauteriak umeentzako emanaldietan oinarrituko dira, izan ere, zapatu honetan eta hurrengo martitzenean, txikientzako ikuskizunak ...
Badatoz Erandioko inauteriak

Erandio

Aste-akabu honetan hamaika ekintza prestatu dituzte Erandion, kaleek kolorez eta alaitasunez gainezka egin dezaten. Musika, umeentzako jarduerak et...
Askotariko mozorroek hartuko dute Berangoko Sabino Arana kalea otsailaren 26an

Berango

Inauterien eguna izango da Berango otsailaren 26a. Izan ere, Berango Merana eskolan egingo dituzten umeentzako mozorro-festaz gainera, auzokideentz...
Inauteriak ospatzeko hainbat jarduera egingo dituzte Sopelan

Sopela

Inauterien itzulera ospatzeko publiko guztientzako hainbat jarduera prestatu dituzte Sopelan otsailaren 25etik martxoaren 1era bitartean. Gainera, ...
Etxeko txikienek inauteriak ospatuko dituzte otsailaren 26an Berangon

Berango

Askotariko superheroiek Berango Merana eskola hartuko dute otsailaren 26an. Izan ere, Inauteri jaia egingo dute bertan, 2018 eta 2010 urteen artean...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun