Azpiegituretarako eta Lurralde Garapenerako diputatu Imanol Pradalesek inbertsio publikoko asmo handiko plan bat iragarri du, 2024ko aurrekontua aurkezteko ekitaldian. Azaldu duenez, sailak 2024rako asmo handiko inbertsio-plan bat ekarriko du, 265,9 milioi eurokoa, 2023koa baino % 14,2 gehiago. Azaldu duenez, egitasmo horren helburu nagusiak hauek dira: azpiegitura eraldatzaile berrien garapena bizkortzea, jarduera ekonomikoa sortzea eta 1.785 lanpostu sortzea edo mantentzea. Pradalesek ziurtatu duenez, azpiegitura publikoetan egindako inbertsioak lurraldearen hazkunderako eta egonkortasunerako eragile izan daitezkeela erakusten du.
Diputatuak iragarritako bide-azpiegitura berrietako proiektu handiak Interbiak-en bidez egingo dituzten inbertsioen barruan sartzen dira. Horretara bideratuko dituzten 132,4 milioi euroetatik 28 milioi itsasadarraren bulebarra eta All Iron bizikleta eta oinezkoentzako zubia bultzatzeko erabiliko dituzte. Horrez gain, Leioako Avanzada estaltzeko lanek 19,4 milioi euro jaso eta itsasadarraren azpiko tunelerako 25 milioi euro bideratuko dituzte. Beste 11 milioi euro Markinako saihesbidea eraikitzeko izango dira.
Horregaz batera, Aldundiak beste 6,2 milioi euro inbertituko ditu lurraldeko hainbat puntutan bidegorrien saria hedatzeko.
Kontserbazio-lanak
Gainera, Aldundiak kudeatzen duen errepide-sareko 1.300 kilometroen kontserbazioa eta mantentzea eguneko 24 orduetan bermatuta egon dadin, 59,9 milioi euroko gordeko dituzte.
Gainera, 2024. urtean 7,6 milioi euro bideratuko dituztela iragarri du diputatuak, Bidesarea Planean zenbait jarduketa egiteko, eta beste 3 milioi euroko inbertsio bat, proiektuak idazteko, hala nola Sollube, Urtia, Mallumendi, Barazarreko hirugarren erreia eta itsasadarraren azpiko tunela.
