08:30

19:00

Mendi zeharkaldia Koartangotik Otogoienera

Euskararen erabilera bultzatzeko helburua duen Lemoizko mendi taldeak doako irteera antolatu du urriak 25erako, domeka. Udalak jarriko duen autobusa Armintza auzoko Armintzekalde autobus geltokitik irtengo da 8:30ean, eta 19:00ak inguru egongo da bueltan. Izena emateko, mendi taldeko kideek etzandarri@gmail.com helbidea eta 688602121 zenbakia jarri dituzte eskuragarri.

18:00

'Tretatxu' umeentzako antzezlana

Muxikebarrik Tretatxu umeentzako antzerkia hartuko du urriaren 25ean, arrastiko 18:00etan. Txotxongilo-antzezlan honek lapurreta ausartak, ihes ikusgarriak eta abentura zirraragarriak uztartzen ditu, umorea, hunkidura eta samurtasuna konpainiaren berezko estetika zainduagaz eta sentiberatasunagaz bat eginez. Sei urtetik gorako umeentzako antzezlana da, eta urriaren 18a arte –domeka arte–, HIRUKAko zozketetan sarrerak eskuratu ahal izango dira.

17:00

18:00

Kontsumoari buruzko informazio solasaldia

Getxoko Udalak, Euskal Kontsumitzaile eta Erabiltzaileen Elkarteagaz (EKA/ACUV) lankidetzan, informazio-hitzaldi bat antolatu du martitzenerako. Bezeroen Arretarako Legea: zein dira zure eskubideak? izango da gaia, eta bertan Ibone Granell, erakunde horretako abokatua, izango da.

18:00

Ipuinaren ordua: "Pilota piztia"

Ipuinaren orduaren saio berri bat egingo da urriaren 28an, eguaztena, arratsaldeko 18:00etan Barrikako Udal Liburutegian. Jarduera 4 eta 7 urte bitarteko umeei zuzenduta dago, eta, honetan, "Pilota piztia" liburua irakurriko da. Parte-hartzeko izena eman behar da aldez aurretik, 946775163 zenbakira deituz edo liburutegia@barrika.eus helbidera idatziz.

18:30

Gorlizen Euskarazen bilera irekia

Gorlizen Euskarazek bilera ireki bat egingo du urriaren 29an, 18:30ean, Gorlizko Gaztelekuan (Eloisa Artaza kalea 3). Antolatzaileek taldearen jarduna ezagutu nahi duen edo bertan parte hartu nahi duen edonor hurbiltzera animatu dute.

16:30

23:00

Gau Beltza

Urriaren 31ean, urteko gaurik beldurgarriena ospatuko dute Antsonekoa enparantzan. Mamuak, sorginak eta munstroak bertan egongo dira hainbat jarduera egiteko prest. Tailerrak, mozorro desfilea, disko festa... Atera armairutik mozorrorik beldurgarriena eta parte hartu! 

10:00

Gure Lurreko Merkatua Sopelan

Gure Lurreko Merkatuak Sopelako, Uribe Kostako eta Bizkaiko baserrietako ekoizleengana zuzenean jotzeko aukera eskaintzen du astero. Besteak beste, barazkiak eta frutak, ogia eta pastelak, marmeladak, gildak, gazta eta txerrikiak erosteko aukera egoten da. Astero parte hartuko duten produktuak eta ekoizleak zeintzuk izango diren jakiteko, Sopelako Udalaren Instagramean kontsulta daiteke informazioa.

09:00

13:00

Sopelako XIV. Putxera Eguna

Azaroaren 7an, zapatua, Pepetxinen omenezko XIV. Putxera Eguna ospatuko da Sopelan. Izen-ematea 9:00-11:00 bitartean egin beharko da, eta putxerak 12:00-13:00 bitartean aurkeztuko dira, udaletxeko plazan. Izen-ematea doakoa izango da.

20:30

"Kandida" antzezlana

Datorren azaroaren 13an, Kandida ikuskizuna Kultur Leioara iritsiko da. Kandida fikzioaren eta errealitatearen arteko talkari buruzko antzezlana da, eta, horren bidez, galdera hau planteatzen du: zer gertatzen da besteen sufrimendua literatura bihurtzen dugunean, baina errealitate horri aurre egiteko prest ez gaudenean? Sarrerak Hirukalagunentzat zozketa atalean

11:00

15:00

Elkartasun Azoka

Aurten ere hainbat postu izango dira Plentziako Eleiz enparantzan, tartean tonbola, gazta, olioa, belarritakoak eta pastelak, eta musika ere egongo da. Antolatzaileek aurreratu dutenez, aurreko urteetako ohiko postuez gain, berriak ere izango dira.