Urtero legez, Getxo Jazz indarrez bueltan dago 17 saio zirraragarrigaz, ekainaren 3tik 7ra. Muxikebarri zentroan eta Algortako Telletxe plazan egingo dituzte emanaldiak eta Stacey Kent, Hiromi, James Carter, Bill Frisell eta Kurt Rosenwinkel izango dira kontzertuen protagonistak. Jaialdiari buruzko informazio guztia webgune honetan kontsulta daiteke. Bestalde, kontzertuetarako sarrerak eta bonuak ohiko saltokietan eros daitezke: Kutxabank sarea, Muxikebarri zentroa eta Romo Kultur Etxea.
Biotz Alai Abesbatzak ate irekien jardunaldi bat egingo du euren egoitza berria erakusteko asmoz, uztailaren 6an, zapatuan. Goizean egingo dute, 12:00etatik 14:00etara. Entsegu-lokala Algortako Telletxe 2A-2B kaleko lonjetan dago kokatuta eta euren ateak irekiko dituzte gura duen bazkide, lagun eta bizilagun guztiei.
Bizilagunak ekimenak Saibi mendira igotzeko jarduera antolatu du uztailaren 7rako. Irteera goizeko 09:00etan izango da, Algortatik, eta buelta 17:00etan. Izena eman gura dutenek daborduko egin dezakete hori, hemen.
Bertsolariak: Paule Loizaga, Maialen Lujanbio, Amets Arzallus, Onintza Enbeita, Joanes Illarregi eta Sustrai Colina Adimena, umorea eta sorpresak bueltan dira Algortako Bertso Eskolak (ALBE) antolatutako bertso jaialdi esperimentalaren eskutik. Edizio honetan, izen handiko partaideak izango ditugu: Paule Loizaga, Maialen Lujanbio, Amets Arzallus, Onintza Enbeita, Joanes Illarregi eta Sustrai Colina. Gaia sekretua izango da aurten ere; ekitaldiaren karteletan emango dizkizuegu zenbait pista. Adi egon ALBEren sare sozialei! Sarrerak (gonbidapenak) eskuragarri daude hemen: https://bertsosarrerak.eus/sarrerak/saioaren_ezaugarriak/699
Nekazaritza azoka Santiagoko egun handian. Herrialdeko produktuen erakusketa eta salmenta. Antolatzailea: Gorlizko Udala Artzeluz plaza, uztailaren 25ean
Hilabete baino zertxobait gutxiago falta da Itxas Argia Elkarteak antolatzen duen Paella Lehiaketaren 69. ediziorako. Izan ere, ohi legez, uztailaren 25ean ospatuko dute festa eta, horri begira, kuadrillek eta taldeek toldoak jasotzeko aukera izango dute uztailaren 8an eta 9an, astelehen-martitzenean, 19:00etatik 21:00etara, Itxas Argiaren egoitzan. Soberan daudenak uztailaren 15ean zozkatuko dituzte, 19:00etatik 20:30era bitartean.
Artisau azoka Santiagoko jaien barruan. Antolatzailea Gorlizko Udala. Artzeluz plazan, uztailaren 27an, zapatua.
Kutsaduraren eta airearen inguruan goizez eta arrastiz hainbat ekintza egingo ditutze. Erandiorekin lotura duten talde ezberdinen kontzertuarekin bukatuko dute eguna, Aire Garbia lelopean. Astrabuduako talde kolaboratzaileak: Trabudu dantzari taldea (Dantzak). Kantetan (kantagune Astrabudua). Takolos Irrati Kluba (Argazkilaritza). Astrabuduko Jai Batzordea (Umeentzako tailerrak). Photocall eta erakustaldia (Herri Bideak Kate Barik eta Auzokoa Herrikoi Elkartea). Musika taldeak: Batukanpa. Talaurden triki-pandero taldea. Kantetan (Astrabuduko kantagunea). Hibai Deiedra eta Andoni Vecchio (folk irlandarra). Lova Loisen mezua+bideoa (Rap). Memphis Belle (blues rock). Akainak (Hardcore). Elkarte antolatzaileak: Auzokoa Herrikoi Elkartea, Herri Bideak kate Barik, Ekologistak Martxan eta Astrabuduko hainbat kultur talde.
Udaberri bete-betean gaudela, eguraldi ona aprobetxatuta, aire zabaleko arte eszenikoen programazioari hasiera emango diote zapatuan, hilaren 4an, Getxon. Hala, aste honetatik aurrera, eta urriaren amaiera bitartean, adin guztiei zuzendutako antzerki, dantza, zirku eta askotariko generoez gozatzeko aukera egongo da Areetako Xake plazako anfiteatro berrian. Zapatu honetan Cía Maite Guevararen Susto zirku-clown saioa egongo da gozagai, 21:00etatik aurrera.
Gaurtik abuztuaren 6ra arte, Plentziako kaleak zinemaz beteko dituzte udako zinema emanaldiakaz. Hurrengo martitzenetan sei pelikula eskainiko dituzte, Eleiz plazan, portuan, Ontziola plazan eta Txipion.
Arriaga auzoko festen txanda izango da aste honetan, eta, auzo txikia izan arren, jai-batzordeak egundoko egitaraua prestatu du auzokideek eta erandioztarrek ederto pasatzeko. Besteak beste, putxera-lehiaketa, kickboxing erakustaldia, dantzaldiak eta erromeria izango dituzte uztailaren 3tik 7ra.
Bosgarrenez, Dastatuarte jaialdiak janaria eta artea lotuko ditu eskaintza ezberdin eta anitzakaz. Aurten, uztailaren 5, 6 eta 7an egingo dute, Gorlizen, betiko legez. Hurrengo asteetan programazioa zabalduko dute hitzordu goxo eta berezi honen xehetasun guztien azalpenakaz, eta horien berri emango dugu gurean ere, beraz, adi ibili!
50 jarduera inguru dakartza aurtengo Dastatuarte Food & Art jaialdiak Gorlizera. Uztaileko lehen aste-akabuan, zuzeneko ikuskizunak, azoka, eskaintza gastronomiko zabala eta adin guztietako publikoarentzako jarduerak egingo dituzte udalerriko kaleetan.
Uztailaren 8tik uztailaren 19ra, astelehenik barikura, izango dira aurtengo Gorlizko udalekuak, udalerriko kiroldegian. Ordutegia goizeko 10:30etik 14:00etara izango da, ludoteka zerbitzua 09:30etik 10:30era izanda. Ekintzen artean, jolas ludikoak, kiroletakoak, jolasekoak eta tailerrak izango dira, betiere 2019 eta 2021 urteko umeentzako zuzenduta. Aurre-inskripzioa irekita dago maiatzaren 15era arte.
Txapel Reggaeak badu daborduko data ofiziala: uztailak 13, zapatua. Hala, udaro bezala, Armintzako portua sound system dantzagarrienetan murgilduko da Euskal Herri osoko gorputzak dantzan jartzeko asmoz. Aurtengo egitarauak mundu osoko artistez gain, kultura beltzaren aldeko apustu nabarmena egingo du. Xehetasun guztien berri izateko Armintzako jai-batzordeko Gurtugaz batu gara.
Imajina dezagun barrea kutsakorra den mundu bat, fantasia mugarik gabekoa eta egun bakoitza abentura bat. Haurtzaroaren mundua da, askotan itzultzeko jomuga izatea nahi duguna edo akaso lurperatu egin nahi duguna. Gure oroitzapenetan, haurren bihotzak baino uler ez ditzakeen emozioek eta gertaerek egiten dute habia. Arteak, sortzaileen historiak iragazitako begiradaren bidez, unibertso hori guztia ispilu gisa islatzeko gaitasun miragarria du, gogoraraziz haurtzaroa ez dela soilik iraganeko puntu bat, gure identitatearen zati intrintseko bat ere baita. Gainera, galdutako xalotasuna estimatzen, irudimena baloratzen eta nostalgia besarkatzen erakusten digu, denbora igaro arren izan ginen haurra ez dela guztiz desagertzen oroitarazita. Erakusketan dauden artelanak.
Udako azken jaiak pena handiz agurtuko dituzte herritarrek. Hala ere, tristura azkar igaroko zaie Urdulizko Andra Mari jaietarako prestatuta duten egitaraua ikusten dutenean. Izan ere, aurten irailaren 6tik 15era egiteko dituzte festok. Urdulizko andramariak irailaren lehenengo hamabostaldian ospatzen diren jaiak izanda, oraindino ez dituzte egitarauko jarduera guztiak zehaztu. Hala ere, orrialde honetan bertan eguneratzen joango gara egon daitezkeen moldaketak.