Ostirala, ekainak 3

Getxoko Udalak eta EHUk Begoñako galeriak ezagutarazteko bisita gidatuen ibilbide berria aurkeztu dute gaur goizean. Galeriak bihar, eguenean, irekiko dira berriro, eta urriaren amaiera arte egongo dira zabalik. Hala, EHUk 2015ean egindako ikerketa eta berreskuratze lanen ondoren, galerien eremu berria eta haiek balioan jartzeko prozesuan aurreikusitako ekintzak ezagutu daitezke.

Eusko Jaurlaritzak sustatutako "Kale antzerkia bultzatuz" ekimenaren barruan, ekainean hainbat kale-ikuskizun egongo da Getxoko parke eta plazetan; sarrera doan izango da. Hala, ekainaren 3tik 25era sei ikuskizun eskainiko dituzte.

Gaurtik aurrera, eta aste-akabu honetan eta hurrengoan, ekainak 3, 4, 5, 10, 11 eta 12, Erandio Pintxotan lehenengo pintxo lehiaketak zapore ona utziko die erandioztarrei. Altzaga eta Astrabuduko 24 ostatutan pintxo bereziak probatzeko aukera izateaz gainera, auzokideek eta bisitariek 300 euroren zozketan hartuko dute parte, pintxoen kartillan botoa eman eta berau entregatzen badute.