Larunbata, maiatzak 13

10:30

Andra Mariko jaiak

14:00

Kuadrilla Eguna ospatuko dute zapatu honetan Sopelan

Sopelako Kuadrillak taldeak antolatutako Kuadrilla Eguna ospatuko dute zapatu honetan, maiatzaren 13an, udalerriko frontoian. Egun osoko egitaraua prestatu dute gazteek, herri bazkariaz gain, musikaz eta kuadrillen arteko hainbat jolasez gozatzeko helburuagaz.

14:00

Sopelako kuadrillen eguna

Egitaraua: 14:00etan, herri-bazkaria. 16:00etan, Pantxo Balbuena Mariatxiren emanaldia. 18:00etan, kuadrilen arteko jolasak. 19:30ean, Elektrobuiaka elektrotxaranga herrian zehar. 22:00etan, kontzertua: Nonbait, udaletxeko plazan.

18:00

Adingabeen zentroko migratzaileen integrazioa bultzatzeko kultur ekitaldia egingo du Urdulizko Udalak

“Irakurri, bakarrik ez egoteko” musika-emanaldia eta literatur errezitaldia egingo dute bihar, zapatua, arratsaldeko 18:00etan, Urdulizko Kultur Etxean. Kultur ekitaldian balio inklusibo berezia duten obrak landuko dituzte, eta, gainera, parte hartuko dute herriko adingabeen zentroan bizi diren migratzaileek. Modu horretan, helburua da pertsona horien ikusgarritasuna sustatzea eta haien gizarteratzea erraztea.

20:00

Antzerkia: "Toto"

Galdu egin den txakurra eta desagertzen ari den bikotea. Maik eta Joseluk Toto txakurtxoaren kustodia partekatzen dute. Toto komedia olinpikoa da. Totok belaunaldiz belaunaldi iraun duen sagastien adina dauka edota txakurkume batena ere bai. Totok maitasunaren zuri-beltzaz hitz egiten du oro har, eta bere magnitude kosmiko osoan. Joselu, Mai eta Toto, oraintxe bertan, gizateriaren eta animaltasunaren artean daude. Aktoreak: Miren Gojenola, Asier Hernandez.

19:00

19:00

Tailerra: Txatxarrak idazketa talde feminista

Garazi Basterretxea Bareak gidatutako idazketa tailer honetan, partaideek euren testu propioak sortuko dituzte euskal literaturako testuetatik abiatuta eta dinamika ludiko parte-hartzaileen bidez. Partaideei fikziozko lanak sortzeko tresnak emango zaizkie, gura dutenari buruz idatz dezaten. Besteak beste, poemak, ipuinak, eta narrazio laburrak landuko dira. Txokoa mistoa izango da eta testuak eta dinamikak ikuspegi feministatik hautatuko dira. Tailerra hilean behin egingo da, eguenetan 19:30etik 21:00etara, Azebarri Kultura Elkartean (Euskal Herria Kalea, 14, 48991 Getxo, Bizkaia). Hurrengo saioak honakoak dira:  martxoaren 2an, apirilaren 20an, maiatzaren 4an, eta ekainaren 1ean. Izen-emateko:  619 93 55 41  / egizugetxo@gmail.com

17:30

17:30

Inguru Minguru tailerrak

Maiatza, ekaina, iraila eta urriko barikutan, Uribe Kostako Zerbitzu Mankomunitatea osatzen duten 7 udalerrietan, 4 urtetik gorako umeei zuzendutako tailer desberdinak egingo dituzte. Helburua da txikienei ingurugiroarekiko errespetua sustatzea, besteak beste: baliabide naturalak modu egokian erabiltzearen arduraz sentsibilizatzea, hondakin gutxiago sortzearen garrantziaz jabe araztea eta birziklatzea eta berrerabiltzea bultzatzea. Parte hartzaile kopurua irekia da, eta 4 urtetik gorako umeei zuzenduta dago tailerra.    

11:00

23:00

Folk musikaren doinuek hartu dute Astrabuduko Mendiguren plaza

Bihartik domekara bitartean Herrien Batasuna folk musikaren jaialdiaren bigarren edizioa egingo dute Erandion. Egun horietan, doinu herrikoienak ekarriko dituzte, besteak beste, Oxabi, Fetén Fetén, Sonakay edo Luhartz erromeria taldeek. Baina ez dira bakarrak izango, Kantaguneak, Musika Eskolako ikasleek eta herriko dantza-taldeek ere euren tartea izango dutelako. 

17:30

17:30

Multiekintza: herri-kirolak, ur jolasak, puxika jokoak...

Multiekintzak doan, 6 eta 12 urteko umeei zuzenduta. Gorlizko Ikastetxeko patioan. Bariku guztietan, 17:30etik 19:00etara. Maiatzaren 12an: puxika jokoak. Maiatzaren 19an: munduko jolasak. Maiatzaren 26an: herri kirolak. Ekainaren 2an: olinpiadak. Ekainaren 9an: multikirolak. Ekainaren 16an: ur jolasak.