Bihar, barikuan, otsailak 14, Algortako San Nikolas plazak Buruz Buru 2025 pala txapelketako finalak hartuko ditu, nesken eta mutilen kategorietan. Partidak arrastiko 18:00etan hasiko dira, eta sariak 21:00etan banatuko dituzte. Finala online ikusteko aukera egongo da, hemen.
Renata hil eta berpiztu egin da. Etengabe hil eta berpizten da, aste honetan 115 aldiz egin du. Ezezaguna komunitate zientifikoarentzat; Jainkoa beste askorentzat. 116 zenbakira iritsi berri da, loreontzi bat buruan erori baitzaio. Lasai, minutu bat barru bizitzara itzuliko da. Konpainia gazte honen obra berri bat, non umorea eta absurdua beste leku batzuetara iristeko bidea diren. Fitxa artistikoa: Zuzendaritza eta testua: Iraia Elias, Erika Olaizola, Xanti Agirrezabala, Amancay Gaztañaga Zuzendaritza bidelaguna: Espe Lopez Jantziak: Barbara Rasso Argiztapena: Imanol Garcia Eszenografia: Kamikaz Kolektiboa eta Xanti Agirrezabala Musika: Eñaut Gaztañaga Diseinu grafikoa: Holy Fire Studio Eszena argazkiak: Iker Gozategi Kolaborazioak: Odei Barroso, Xabier Euzkitze Ekoizpena eta banaketa: Kamikaz Kolektiboa Sarrera: 10 euro
"Madres"/"Amak" komedia, eskola bateko itxaron gelan atera ezinik gelditzen diren 4 emakumeren arteko istorio desesperagarria da. Egoera larri honek mugarik gabeko ezusteko terapia batera eramango ditu eta, bertan, amatasunaren alde on eta txarrak ateratzen joango dira Fitxa artistikoa: Antzezleak: Iraitz Lizarraga, Tania Fornieles, Oihana Maritorena, Intza Alkain Egilea: Elena Díaz Zuzendaria: Begoña Bilbao Lejarzegi Zuzendaritza laguntzailea: Martin Agirre Eszenografia: Asier Sancho Senosiain Iraupena: 80 minutu Hizkuntza: gaztelania
Abenduaren 1ean, Elanchove lurrunontziaren hondoratze misteriotsua erakusketa inauguratuko dute Plasentia de Butron Museoan. Erakusketa Idoia Ibañez Espainiako Merkataritza Itsasketako lehen emakume kapitainak komisariatuko du, eta Merkataritza Itsasketako Kapitainen Bizkaiko Elkartearen laguntza izan du. Erakusketak enigma historiko bat argitzea ez ezik, kaltetutako familiei omenaldia egitea ere bilatzen du, erantzunen zain dauden galderez betetako iraganari leiho bat irekitzeko xedeagaz.
Eduardo Díaz Etxeandia margolariak bere azken hamarkadako lanak erakutsiko ditu, olioz eta akrilikoz margotuta mihise eta ohol gainean. Gai abstraktuetatik errealistetara, bere margolari ibilbide luzean egindako koadro onenen aukeraketa bat dugu.