Erandioko udal-talde denek babestu dituzte Loramendiko grebalariak

Grebalariak, Guggenheimen egindako elkarretaratzean. CCBYSA LAB

Erandioko Sanitas Loramendi zahar-egoitzako grebalarien alde agertu ziren atzo Erandioko Udaleko EAJ, PSE-EE, Ganemos Erandio, EH Bildu, PP eta Ahal Dugu.

Loramendiko garbitzaileek joan den urriaren 20an abiatu zuten greba mugagabea, Erandioko udaletxean elkarretaratze bat egiten. Ekimena baliatu zuten Udalari eta bertako alderdiei bitartekaritza-lanak egin ditzaten eskatzeko. Izan ere, beharginek eskatu dute garbiketako lantaldeek pairatzen duten diskriminazioa amaitzeko. Hain zuzen ere, garbitzaileen lanaldia luzatzeko eskatzen dute, 15 urte eman baitituzte jada lanaldi partzialean. Erandiko egoitzan 131 pertsona bizi dira eta 70 langilek ematen diete arreta.

Erandioko udal-talde denek sinatutako adierazpenaren arabera, "Erandioko Udalak babesa eskaini die Loramendi egoitzako langileei; izan ere, egoiliarrak egoki zaintzeko, langileek baldintza egokiak behar dituztela ulertzen dugu". Testuak nabarmendu du beharginek ez dutela soldata-igoerarik eskatzen: "Oro har, kontu bi aldarrikatzen dituzte: bata, garbiketa-taldeko langile denentzat lanaldi osoak lortzea; bestea, zaintzaile gehiagok izatea oporraldia udan hartzeko aukera, lana eta familia bateragarri egitea errazteko. Laburbilduz, eskaera horiek egoiliarren arreta-kalitate handiagokoa izateko egin dituzte”. Hala, Erandioko Udalak "dei egin die alde biei, beharrezko ahaleginak egin ditzaten, gatazka hau ahalik eta azkarren eta behar bezala konpontzeko”.

Bestalde, Loramendiko langileek beste elkarretaratze bat egin zuten atzo; Guggenheim aurrean, hain justu. Bertan, Isabel Sanchez Robles eta Teresa Laespada Bizkaiko Foru Aldundiko Ekintza Sozialeko eta Berdintasun diputatuei bilera bana eskatu zietela jakinarazi dute, "zerbitzuaren titulartasuna Aldundiarena delako eta, horregatik, ezin dutelako beste alde batera begiratu".

Erlazionatuak

Greban hamar egun daroatzate Loramendi zahar-egoitzako langileek

Erandio

Erandioko Sanitas Loramendi zahar-egoitzako langileak greba mugagabean dira joan den urriaren 20tik, garbitzaile-lantaldeagaz elkartasunean, lan-ja...
Greba mugagabea hasi dute Loramendiko langileek

Erandio

Sanitas taldeak Erandion daukan Loramendi zahar-egoitzako beharginek greba mugagabeari ekin zioten atzo, zapatuan. Aurretik, barikuan, Erandio...
Loramendiko langileek greba mugagabeari ekingo diote urriaren 20tik aurrera

Erandio

Erandioko Sanitas Loramendi zahar-egoitzako langileek lan-baldintzen aldeko borroka gogortuko dute bihar zortzi. Urriaren 20tik aurrera, lanuzteeta...
Egunero lanuzteak egingo dituzte Erandioko Loramendi zahar-egoitzako langileek

Erandio

Sanitas Loramendiko greba-batzordeak jakinarazi du egunero lau orduko lanuzteak egiten hasi zirela atzo, irailak 17, egoitzako garbiketa-taldeko la...
Lan-gatazkak Erandion: lan-baldintzak salatu dituzte Sanitas Loramendiko eta Cables y Alambreseko beharginek

Erandio

Datorren astean lan-baldintza duinen aldeko mobilizazioak egiten hasiko direla iragarri dute Erandioko Cables y Alambreseko langileek. Vicinay tran...