Azaroak 25

Azaroak 25, indarkeria matxistagaz behingoz amaitzeko eguna

Egunotan, hainbat elkarretaratze egingo dituzte emakumeen kontrako indarkeria desagertzea aldarrikatzeko; baina, horretaz gain, elkarteek eta udalek egun horren garrantzia azpimarratzeko hainbat jarduera antolatuko dituzte.

Eguena, azaroaren 25a, Emakumeenganako Indarkeriaren Kontrako Nazioarteko Eguna da. Egun horretako mobilizazioez gain, eskualdeko udalerrietan hainbat jarduera antolatuko dituzte egunotan, indarkeria matxista salatzeko kasu gehienetan, baina hausnarketarako eta eztabidarako ekintzak ere izango dira.

Besteak beste, eskualdean Erandio, Berango, Urduliz eta Plentzian egitarau oparoak antolatuko dituzte egunotan –loturetan ikusi daitezke herri bakoitzeko programa, egunez egun–.

Berbarako, Getxoko Udalak labirinto bat jarri du Arretako Xake plazan, indarkeria matxista desagerrarazteko gizonek duten zereginari buruz interpelatzeko helburuagaz. Gainera, 2019an hasitako kanpainaren jarraipen gisa, Getxoko merkatarien elkarteek bat egin dute Indarkeria Matxistarik Gabeko Guneen Sareagaz, eta dendariak gonbidatu dituzte beren erakusleihoak beltzez janztera, azaroaren 22tik 28ra. 

Ildo berean, Barrikako Udalak mikromatxismoei eta genero-indarkeriari buruzko gidaliburu bi argitaratu ditu: bata, Zertaz ari gara indarkeria matxistaz hitz egiten dugunean? izenekoa, eta, bestea, Mikromatxismoei buruzko gida bat.

Azaroaren 25eko elkarretaratzeak Uribe Kostako udalerrietan:

  • Leioa: 12:00etan, Boulevardean; eta 19:30ean, Boulevardean, Sutea Leioako Gazte Talde feministak deituta.
  • Erandio: 12:00etan, Josu Murueta plazan eta Irailaren 23 plazan, eta, 19:00etan, Euskadi plazan
  • Barrika: 12:00etan, Emakumezkoen biribilgunean.
  • Plentzia: 12:30ean udaletxean; eta 19:30ean Gorlizko udaletxetik Plentziako Ontziola plazara.
  • Gorliz: 13:00etan, udaletxean; eta 19:30ean Gorlizko udaletxetik Plentziako Ontziola plazara.
  • Lemoiz: 13:30ean, udaletxean.
  • Sopela: 19:00etan, elkarretaratzea udaletxean; ordu berean, manifestazioa egingo dute.
  • Urduliz: 18:30ean, kultur etxean.
  • Getxo: 19:00etan, Xake plazan, Kresala taldeak deituta; 19:30ean, Bizkaia zubiko puntu morean, Gizatiarrek antolatuta; eta 20:00etan, Telletxe plazan, Algortako mugimendu feministak deituta.
  • Berango: 20:00etan, Berangoeta kultur etxean.
Erlazionatuak

Uribe Kostako Emakumeen Topaketa egingo dute zapatuan Urdulizen

Uribe Kosta

Izurriteak eragindako geldialdiaren ostean, bueltan da Uribe Kostako Emakumeen Topaketa. Emakumeen Kontseiluak eta Uribe Kostako Mankomunitateak pa...
Saioa Iraola: "Mugimendu feministak euskararen aldeko jarrera politikoa erakutsi du"

Getxo

Saioa Iraola Urkiola (Leitza, Nafarroa, 1987) Bilgune Feministako kidea eta Hernaniko Kulturarteko Plaza Feministako koordinatzailea da. Azaroaren ...
Emakumeen kontrako indarkeriari aurre egiteko hainbat konpromiso hartu gura ditu Getxoko Udalak

Getxo

Bihar, azaroak 25, ospatzen den Emakumeen aurkako indarkeriaren kontrako Nazioarteko Eguna dela eta, Getxoko Udaleko Bozeramaleen Batzordeak adiera...
Mikromatxismoei eta genero-indarkeriari buruzko gidaliburu bi argitaratu ditu Barrikako Udalak

Barrika

Genero-indarkeriaren aurkako borrokarekiko konpromisoa sendotu gura du Barrikako Udalak, eta, horretarako, gidaliburu bi argitaratu ditu. Lehenengo...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun