Urriaren 9an Roll It Girl Festival! jaialdiaren bigarren edizioa egingo dute Sopelan. Skate ikustaldiez gain, musika, ikastaroak, tailerrak, eta beste hainbat ekintza egingo dituzte.
Pandemiaren ondorioz bertan behera geratu ondoren, bueltan da Berangoko Nazioarteko Milia, espainiar Estatuko miliarik onena, hain zuzen ere. Maila guztietako atletak egongo dira aurten egingo duten XXXIII. Berangoko Nazioarteko Milian.
Erandioko Auzokideok elkarteak Gasolino Rock&Ria musika-jaialdiaren lehen edizioa egingo du urriaren 9an, zapatuan. Jaialdia herri-ekimenari esker ospatuko dute, eta erandioztarrak mobilizatzea eta bestelako aukera kulturala eskaintzeko helburua dauka.
Aurten, pandemia dela eta, ezin izan dituzte Mesedeetako jaiak ospatu Areetan; horren ordez, baina, Aste Kulturalaz gozatu ahal izango dute auzokideek aste-akabu honetan, eguenetik domekara.