Igandea, otsailak 19

09:30

Aitzulo eta Orkatzategira mendi irteera

Gaztetxoen artean euskararen erabilera bultzatzeko helburua duen Lemoizko Etzandarri mendi-taldeak neska-mutilakaz beste irteera bat prestatu du domeka honetarako. Txangoa Armintzako autobus-geltokitik irtengo da goizeko 09:00etan, Oñatiko Araotz auzora (Gipuzkoa) heltzeko. Bertatik Orkatzategi mendira igoko dira, 869 metrora, eta, besteak beste, Aitzulo izeneko gunea ezagutuko dute. Gailur hartatik, Gorbeia, Anboto, Udalaitz eta Aizkorri bezalako mendiak ikusteko aukera izango dute.

18:00

Familiarentzako antzerkia: "Kelonia eta itsasoa"

Ilargirik gabeko gau batez jaioko da dordoka txikia, hondartzan. Bere senak argi eta garbi adieraziko dio itsasora iristeko izarrek ur gainean egiten duten isla jarraitu behar duela. Hala ere, zibilizazioko argiek nahastuta, hirian barrena murgilduko da, guztiz ezberdina den mundu batera. Abesti itxurako istorio bat da Quelonia, adiskidetasunari eta biziraupenari buruzkoa. Dortoka txikiak bere lekua bilatu beharko du, batzuei mesede egiten dienak beste batzuei kalte egin diezaiokeen (eta alderantziz) mundu batean. Istorio xamur eta dibertigarria, antzoki bateko bastidoreen artean kontatua, zuzeneko musikaren eta objektuen antzerkiaren bidez. Sarrera: 6 euro

18:00

Go!azen 9.0

Iritsi da Go!azen 9.0 denboraldi berria! Aurten Saioa, Gontzal eta Alain izango dira Basakabiko ikasle berriak, eta haietako batek, sekretu bat gordetzen du. Nola moldatuko dira berriak jada "beteranoak" diren gainerako ikasleakaz? Maitasun istorioak, gezurrak, abentura eta musika! Hau guztia eta gehiago jakin ahal izango duzu kontzertu formatua duen ikuskizun honetan. Egilea: Xabi Zabaleta. Zuzendaritza: Itziar Gomez. Zuzendaritza musikala: Leire Berasaluze. Antzezleak:  Go!azen telesaileko antzezleak. Sarrerak: 5/8 euro

10:00

20:00

Erakusketa: "Mendian gora. Euskal Mendizaletasunaren Historiaren erakusketa.

Uribe Kostako inauteriak

Barikutik aurrera, negua bukatzear dagoela ospatzeko eta kalera mozorrotuta ateratzeko hainbat festa eta jarduera egingo dituzte eskualdean. Hemen duzue Uribe Kostako udalerrietan egingo dituzten adin eta gustu guztientzako moduko ekintzen egitarau-bilduma. Prest duzu mozorroa?