Asteartea, maiatzak 13

09:30

Erakusketa: "Basques in Australia"

Australiara abiatu ziren euskaldunen ibilbideari omenaldia.

17:00

Euskaraldia Getxon

Euskaraldia maiatzaren 15etik 25era izango da eta, horri begira, euskararen erabilera hauspotzeko hamaika ekitaldi eta ekintza egingo dituzte udalerri guztietan. Getxon ere martxan jarri dira, eta barikuan, hilaren 9an, ekingo diote motorrak berotzeari, Areetako Xake plazan egingo duten bingo musikalagaz. Hona hemen egunez egun hizkuntza-ohiturak aldatzeko ekimenari heltzeko Getxoko Udalak eta Egizu eta Bizarra Lepoan euskara elkarteek osatutako sustapen batzordeak udalerriko eragileakaz batera antolatutako egitaraua.

17:00

Getxoko Andra Mariko jaiak

Badatoz 2025eko jaiak! Maiatzaren 15etik 18ra, hamaika gauza izango ditugu auzoan: jolasak, kontzertuak, herri bazkaria, azoka, dantzaldia, tailerrak... eta askoz gehiago! Egitarau osoa, hemen.

18:30

Euskaraldiko ekintzak Barrikan

Barrikak bat egingo du hilaren 15etik 25era egingo den Euskaraldiaren laugarren edizioagaz, euskararen erabilera sustatzeko eta hizkuntza-ohiturak aldatzeko. Hori horrela, udalerriko hainbat elkartek eta tokiko erakundek, horien artean Barrikako Udalak, ekimen honi laguntzeko zenbait jarduera antolatu dituzte, besteak beste, lip dub bat grabatzea, barikuan, hilaren 9an.

19:00

Getxoko EH Bilduren Parentesiak jardunaldiek herri-ereduen inguruko eztabaida piztuko dute, bigarrenez

Bihartik, hilaren 29tik, maiatzaren 13ra, Parentesiak jardunaldien bigarren edizioa egingo dute auzoz auzo, EH Bilduren ekimenez. “Getxon ere posible da” lelopean, lau hitzaldi-saio antolatu dituzte, pertsona nagusien zaintza, harrera-ereduak, hiri-mugikortasuna eta turistifikazioaren inguruko hausnarketa sustatzeko asmoz. Antolatzaileek azaldu dutenez, Parentesien bigarren edizio honen helburua herri ezberdinetako errealitateak ezagutzea da, "euren esperientzietatik aberastu eta gurera ekartzeko. Getxon ere posible dela amesteko, sinisteko eta errealitate bihurtzeko".