Astelehena, urriak 21

18:00

20:00

Urdulizko emakumeak ahalduntzeko tailerra hasiko da urriaren 21ean

Urriaren 21etik aurrera emakumeak ahalduntzeko tailer berri bat hasiko da Inola Elkarte Feministan. Bost sasiotan banatuta egongo da, bakoitza 2 orduko iraupenagaz, 18:00etatik 20:00etara. Tailerren helburuak hurrengoak dira: jendaurrean hitz egitearekin lotutako beldurrak identifikatzea eta gainditzea, sinesmen mugatzaileak desafiatzea eta eraldatzea, adierazpen pertsonalean konfiantza eta segurtasuna lantzea eta hazkunde pertsonal eta profesionalerako jomuga argiak eta ukigarriak ezartzea. Izen emateak: amujerinola@gmail.com.

19:00

Palestinarren kontrako genozidioa gelditzea eskatzeko mobilizazioak egingo dituzte eskualdean urriaren 21ean

Urtebete baino gehiago igaro da Israel Gaza inbaditu eta palestinarren kontrako genozidioa abiatu zuenetik. Denbora tarte horretan, israeldarrek 42.000 pertsona baino gehiago hil ditu, gehienak herritarrak. Horren aurrean, Gernika-Palestina herri-ekimenak mobilizatzera deitu du herriz herri, eta daborduko eskualdeko hainbat udalerri eta auzo deialdira atxiki dira. Mobilizazioak 19:00etan abiatuko dira.

12:00

Ondarearen Europako Jardunaldiak Uribe Kostan

Bizkaiko Foru Aldundiak 200 ibilbide, bisita gidatu, tailer eta hitzaldi baino gehiago antolatu ditu urrian, Ondarearen Europako Jardunaldien 24. edizioan. Ekimen kultural horren barruan Uribe Kostako udalerrietako hainbat altxorrak bertatik bertara ezagutzeko aukera ere egongo da.

16:30

Irailean 6an bueltako dira Inguru Minguru tailerrak!

Ikasturte berriagaz batera, berriro ere hasiko dituzte ingurumenarekiko errespetua lantzen duten Inguru Minguru tailerrak. Zehazki, iraila eta urriko barikuetan egingo dituzte, Uribe Kostako Zerbitzu Mankomunitatea osatzen duten zazpi udalerrietan. Hala, 4 urtetik gorako umeei zuzendutako tailer desberdinak egingo dituzte, eta parte hartzaile kopurua irekia da. Lehenengo saioa irailaren 6an izango da, Berangoko Moreaga parkean.

18:00

Getxo Eszena arte eszenikoen jardunaldiak

Getxo Eszena arte eszenikoen jardunaldien 42. edizioa hasi zen joan den eguenean, urriaren 3an, eta 13 ikuskizun eskainiko ditu hilaren 24ra arte Muxikebarri Antzokian, batzuk Getxo Eszena Irekia deialdiaren barruan aukeratuak. Aurten, antzerki eta dantza lanak programatu dituzte, baita errezitaldi poetiko-musikal bat ere, haurrei zuzendutako hainbat lanakaz batera. Ikuskizunetarako sarrerak dagoeneko salgai daude Getxo Kulturako ohiko saltokietan.

21:00

Getxo Eszena Kalean aire zabaleko programazioari hasiera emango diote zapatuan, Areetan

Udaberri bete-betean gaudela, eguraldi ona aprobetxatuta, aire zabaleko arte eszenikoen programazioari hasiera emango diote zapatuan, hilaren 4an, Getxon. Hala, aste honetatik aurrera, eta urriaren amaiera bitartean, adin guztiei zuzendutako antzerki, dantza, zirku eta askotariko generoez gozatzeko aukera egongo da Areetako Xake plazako anfiteatro berrian. Zapatu honetan Cía Maite Guevararen Susto zirku-clown saioa egongo da gozagai, 21:00etatik aurrera.