Osteguna, abenduak 19

17:00

19:00

Gabonetako jaia familia eta umeentzako

Gorlizen Euskarak taldeak Gabonak ospatuko ditu bihar, abenduaren 19an, arrastiko 17:00etatik 19:00etara. Horretarako, herriko erakusketa gelan umeentzako disko-festa antolatu dute, euskal kanta ezagunak abestu eta dantzatzeko gogoakaz datozenentzako. Gainera, bakoitzak dakarren askaria partekatuko dute denon artean. Hala, adin guztietako ume eta familiak daude gonbidatuta.

17:30

20:30

Olentzero eta Mari Domingi Gorlizera hurbilduko dira abenduaren 19an

Gorlizko Itsasbide kalearen 15. zenbakian egingo dute topagunea gorliztarrek Olentzero eta Mari Domingigaz, abenduaren 19an. Hala, Bizkaibusen udalerrira joango dira haurren gutunak jasotzera, arrastiko 17:30etik 20:30era.

17:30

20:30

Bizkaibus Gabonak Tourra Getxo, Gorliz, Erandio eta Leioara helduko da

Aste honetan, Bizkaibus Gabonak Tour 2024-2025 ekimenak hasiera eman dio bere ibilbideari eta urtarrilaren 4ra arte Bizkaiko herri ezberdinetara joango da. Horien artean, Uribe Kostako Getxo, Gorliz, Erandio eta Leioa herriak daude. Bertan, haurrek euren Gabonetako desio gutunak eman ahal izango dizkiete Olentzerori, Mari Domingiri eta Errege Magoei, Foru Aldundiak jakinarazi duenez.

11:00

Elanchove lurrunontziaren hondoratze misteriotsua

Abenduaren 1ean, Elanchove lurrunontziaren hondoratze misteriotsua erakusketa inauguratuko dute Plasentia de Butron Museoan. Erakusketa Idoia Ibañez Espainiako Merkataritza Itsasketako lehen emakume kapitainak komisariatuko du, eta Merkataritza Itsasketako Kapitainen Bizkaiko Elkartearen laguntza izan du. Erakusketak enigma historiko bat argitzea ez ezik, kaltetutako familiei omenaldia egitea ere bilatzen du, erantzunen zain dauden galderez betetako iraganari leiho bat irekitzeko xedeagaz.

12:00

Gabonetako jarduerak Leioan

Eguberriak sasoi magikoa dira askorentzat, horregatik, leioaztarren artean lilura piztuko duten hamaika jarduera iragarri ditu Udalak: Olentzero eta Mari Domingiri harrerak, Elur-bola, Errege Magoen kabalgata, antzerkiak eta beste hainbat ekintza. Hemen dituzue guztiak.

16:00

Getxoko hainbat elkartek jostailuak batzeko bilketa antolatu dute abenduaren 20ra arte

Goidia jasan duten Paiportako (Valentzia) haurrei Gabonetako opariak eskaintzeko asmoz, abenduaren 18tik abenduaren 20ra arte jostailuak eta jolasak batzeko bilketa solidarioa antolatu dute Getxoko Eskubeltz Eskaut Taldeak, San Nikolas Zabalikek, Pertsonaldek, Egizuk eta Sortarazik, Getxoko Udalagaz elkarlanean. Hala, abenduaren 18, 19 eta 20an jostailuak biltzen arituko dira, arrastiko 19:00etatik 20:00etara, Algortako San Nikolaseko frontoian, Itzubaltzeta/Romoko San Jose parrokian eta Fadurako Igerilekuko eraikinean.