Lehman Brothers multinazional estatubatuarrak porrot egin zuen 2008ko irailean eta, horren eraginez, finantza-sisteman arrakala bat zabaldu zen, gutxira mundu osora hedatu zena. Besteak beste, krisi horrek banku-sektorearen eraldaketa sakona eragin zuen, gure kaleetan oraindino ere antzeman ditzakegun hainbat aztarna utzi zituena, hala nola banku-bulegoen itxiera. Gurean, Uribe Kostan, 76 bulego itxi dira ordutik, eskualdean zeudenen erdia baino zertxobait gehiago.