EITBk eta Tokikomek sinatutako lankidetza-akordioaren emaitza da Saretzen. Egitasmoaren helburua da datu kazetaritza elkarregaz lantzea, BBCren "Local News Partnership" ereduari jarraituz. Horri esker, HIRUKAn besteak beste, Uribe Kostako demografia modu sakonean aztertu ahalko dugu. Saretzen proiektuaren baitan, eta aliantza horri jarraituz, asmoa da aurrerantzean beste hainbat eduki eta tematika ere elkarlanean lantzea.
Demografia
Getxo izan da auzokideak galdu dituen udalerri bakarra Uribe Kostan azken bi hamarkadetan

Uribe Kosta

Uribe Kostak bere biztanleria areagotu du azken 20 urteotan, 2001etik 2021era, Eustat - Euskal Estatistika Erakundearen arabera. Denera, % 7,2 hazi da tokiko biztanleria, hau da: 11.500 pertsona gehiago bizi dira gurean. Hala ere, hazkundea ez da parekoa izan udalerri guztietan. Izan ere, tokiko 10 udalerrien artean bakarrak galdu ditu herritarrak: Getxok. Beste norabidean, Urduliz eta Berango izan dira gehien hazi diren udalerriak, % 53eko eta % 43ko hazkundeakaz.