Uribe Kostak bere biztanleria areagotu du azken 20 urteotan, 2001etik 2021era, Eustat - Euskal Estatistika Erakundearen arabera. Denera, % 7,2 hazi da tokiko biztanleria, hau da: 11.500 pertsona gehiago bizi dira gurean. Hala ere, hazkundea ez da parekoa izan udalerri guztietan. Izan ere, tokiko 10 udalerrien artean bakarrak galdu ditu herritarrak: Getxok. Beste norabidean, Urduliz eta Berango izan dira gehien hazi diren udalerriak, % 53eko eta % 43ko hazkundeakaz.