Oinez, bizikletaz, kotxez, busez zein metroz, askotariko moduetan egiten dituzte joan-etorriak egunero-egunero uribekostarrek. Eskualdea, orokorrean, ondo konektatuta dago, Bilbo hiriburuagaz batez ere, metroari esker gehienbat. Hala ere, oraindino ere bertoko hainbat herritar Metro Bilbaoren zerbitzutik kanpo gelditzen dira eta, ondorioz, garraio publikoari dagokionez, Bizkaibus zein tokian tokiko autobus-zerbitzuetara edota norberaren ibilgailura lotuta jarraitzen dute.