HIRUKAn, Uribe Kostako udalerrietako etorkinen datuak aztertu ditugu: zenbat dira, nondik datoz, non bizi dira... Zenbakiak eta portzentajeak emateaz gain, hainbat aditu eta elkarterengana ere jo dugu gurera bizimodu berri baten bila etorritako pertsonen errealitatea hurbiletik ezagutzeko. Bihar, apirilaren 5ean, hiruka.eus atarian eskainiko ditugu eduki horiek guztiak. Ikerketa-lan hau egiteko Espainiako Estatistika Institutuak (INE) 2002tik 2021era atzerritik etorritako pertsonen inguruan argitaratutako datuak erabili dira.
Elkarlana
Datu kazetaritza, elkarregaz eta elkarlanean EITBk eta TOKIKOM tokiko komunikabideen sareak 2022an jarri zuten abian Saretzen proiektua, elkarregaz datu kazetaritza jorratu eta datuok modu bateratuan kudeatu eta ustiatzeko.
Lehen argitalpenean, 2001-2021 bitarteko Hego Euskal Herriko demografia datuak landu zituzten EITBko eta TOKIKOMeko hedabideek, nork bere esparrura, ezaugarrietara eta eremura egokituta.
