Imanol Landa Getxoko alkateak positiboki baloratu du herenegun, joan den eguaztenean, Espainiako Vueltaren 17. etapa udalerritik irten izana. Azaldu duenez, telebistaz orain arte lasterketaren etaparik ikusiena izan da Getxon abiatutakoa.
Modu berean, alkateak eskerrak eman dizkie getxoztarrei hain garrantzitsua den kirol ekimen horretan parte hartzeagatik; argitu duenez, aldez aurretik ezarritako ibilbidean egon ziren aldaketak gertatu ziren Udalarena ez zen erabaki batengatik. Berbarako, lasterketa Bizkaiko Zubitik igarotzekoa zen, baina plazaren bestaldetik pasatu ziren txirrindulariak. Hori dela eta, hainbat zalek ezin izan zituzten kirolariak ikusi.
Hamar mila pertsona baino gehiagok bertatik bertara ikusi zuten Espainiako Vueltaren 17. etapako irteera, Algortako Kirol Portuan eta Getxo udalerriko ibilbidean, Getxoko Udaltzaingoak emandako datuen arabera. Telebista-hedapenaren bidez, udalerriko irudiak 188 estatutan ikusi ahal izan ziren. Getxoko Udalak balorazio "oso ona" egin du.
![[ARGAZKI-GALERIA] Vueltak Getxon utzitako irudiak](https://hiruka.tok-md.com/argazkiak/MJk/cache/20180912-Vuelta-Getxo-txirrindulariak-irteera_tokikom_735x413.jpg)
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun