Esan Gabekoak orain arte esan ez ditugun guztien bilduma da, hitzekin inoiz izango ez ditugun elkarrizketak kantuetan gordeak. Pertsona bati zerbait esan nahi zenionean CD edo cassette baten kantu zerrenda bat grabatzen zenuenean bezala. Kasu honetan, gure kontzeptua hori da, baina desberdintasun batekin, hau ez da disko bat. Esan gabeko lehen gauza: gure kasuan, disko (CD) fisikoak zentzu guztia galdu du, musikazale erromantikoak garen heinean, euskarri fisikoaren xarma onartzen dugun arren. Ideia honen haritik tiraka, CD baten forma duen lan fisiko bat argitaratu dugu, baina ez da disko bat.
Musika, antzerkia, erakusketak, azoka, kirol-lehiaketak, umeentzako jolasak eta beste hainbat jarduera prestatzen ari dira CIFP Tartanga LHIIko zentroko Ikus-entzunezko eta Ikuskizunen Produkzioko ikasleek Gure! jaialdiaren lehen ediziorako. Otsailaren 10 eta 11n egingo dute Altzagan, Erandioko Udalagaz elkarlanean.
Barikuan eta zapatuan, euskarazko antzezkizunez gozatzeko aukera egongo da Urdulizen. Izan ere, tokiko kultur etxeak antzerki bana hartuko du egunotan: umeentzako Kapelagilearen abenturak barikuan, eta helduentzako Mesede bat egitearren... izenekoa zapatuan, 18:30ean eta 19:00etan, hurrenez hurren. Saioetarako sarrerak 6,15 eurokoak izango dira.