Astelehena, urtarrilak 22

10:00

Smartphoneak eta tabletak erabiltzen ikasteko ikastaroa eskainiko du Gorlizko KZguneak urtarrilean

Urtarrilaren 17tik 31ra, Gorlizko KZguneak “Smartphoneak eta tabletak. Zure Android gailua erabiltzen ikasi” izeneko ikastaroa eskainiko du. Hala, xedea da ikastea gailu horiek pertsonalizatzen eta sare batera konektatzen ikastea. Horrez gain, Android mugikorren aplikazio desberdinak erabiltzeko eta kudeatzeko gaitasuna landuko dute. Betiere, ezinbesteko betekizuna izango da Android gailu bat izatea eta gomendagarria da bertan memoria nahiko edukitzea ikastaroaren jarraipena egokia izan dadin. Izena emateko eta informazio gehiagorako hemen​.

16:30

Sexu hezkuntza eta heziketa emozionaleko begirale ikastaroan izena emateko epea zabalik dago irailaren 30era arte

18 eta 29 urte bitarteko gazteei zuzendutako sexu hezkuntza eta heziketa emozionaleko begirale ikastaroa egingo dute Sopelako Kurtzio Kultur Etxean. Zehazki, Sopela, Berango, Barrika, Gorliz, Leioa, Lemoiz, Plentzia eta Urdulizen erroldatutako lagunentzako ikastaroa da, betiere tokiko elkarteetako edo kolektiboetako partaideei zein banakoei zuzendutakoa: magisteritza, pedagogia, psikologia ikasleak, begiraleak, entrenatzaileak, etab. Izena eman daiteke aurrez-aurre Sopelako Kurtzio Kultur Etxean, astelehenetik barikura (09:00-14:00/16:00 -20:00) eta zapatu eta domekatan ere (11:00-14:00/17:00-20:00). Halaber, online ere egin daiteke hemen.

17:30

Jaiotza inguruko doluari buruzko jardunaldiak egingo dituzte urtarrilaren 22an eta 23an Sopelan

Sopelako Kurtzio Kultur Etxean jaiotza inguruko doluari buruzko jardunaldiak egingo dituzte esperientzia honen konplexutasunei heltzeko modu integral eta errukitsuan. Hala, tokiko komunitatearentzako hausnarketa-, laguntza- eta ikaskuntza-gunea izan gura du. Jaiotza-inguruko dolua errealitate mingarria eta konplexua da, eta gurasoei eta familiei eragiten die haurtxo bat haurdunaldian edo erditu eta gutxira galtzeari aurre egin behar diotenean. Antolatzaileek adierazi dutenez, "dolu mota honek erronka emozional, psikologiko eta fisiko paregabeak ditu, itxaropena, ametsak eta familiako kide berriagaz lotura emozionala galtzea dakarrelako".