Igandea, uztailak 21

09:00

Eskualdeko berbalagunek mendi-irteera egingo dute uztailaren 21ean

Erandio, Getxo, Leioa eta Urdulizko berbalagunek mendi-irteera batez gozatzeko aukera izango dute uztailaren 21ean, domekan. Faduratik irtenda, Bolue eta Martiartu arteko ibilbide zirkularra egingo dute, 09:00etatik aurrera. Interesatuek aldez aurretik eman beharko dute izena, hemen.

18:30

19:30

Bisita gidatuak egingo dituzte Punta Begoñako galerietan, Horacio Echevarrietaren bizitzaren berri emanez

Urtea amaitu arte, hileko hirugarren domekan bisita antzeztuak egingo dituzte Begoña Galerietan, eta, lehena, domeka honetan izango da, uztailaren 21ean. Horacio Echevarrietak berak bizia hartuko du bere ibileren berri emateko eta galerietara hurbiltzen direnei protagonista izan zituen istorio ugariak kontatzeko. Uztaileko eta abuztuko bisitak 18:30ean hasiko dira eta sarreren prezioa 3 eurokoa da. Informazio gehiago, hemen.

10:00

Ospakizunek ez dute atsedenik hartuko Plentzian

Plentziako festarik ospetsuenak uda amaieran izan arren, uztailean ere hamaika ospakizun dituzte hiribilduan. Besteak beste, hurrengo asteetan karmenak, madalenak, Saratxaga eta Isuzkitzako jaiak eta saninazioak ospatuko dituzte hiribilduan. Hemen horietako egitarauak.

10:00

Artearen Ibilbidea erakusgai egongo da Plentzian, uztailaren 15etik 22ra

Uztailaren 15etik 22ra, Plentzia aire zabaleko museo bihurtuko da Artearen Ibilbidea erakusketari esker. Ekimen hori BBK-k eta Bizkaiko udalek bultzatutako Herriz Herri programaren barruan dago, gizarte-eragin edo inpaktu sozial positiboa duten baterako ekintzak sustatzeko. Balmasedatik, Abanto Zierbenatik eta Trapagatik igaro ostean, Artearen Ibilbidea Plentziara iritsiko da uztailaren 15etik 22ra.

11:00

Artearen Ibilbidea BBK V. "Haurtzaroaren artean"

Imajina dezagun barrea kutsakorra den mundu bat, fantasia mugarik gabekoa eta egun bakoitza abentura bat. Haurtzaroaren mundua da, askotan itzultzeko jomuga izatea nahi duguna edo akaso lurperatu egin nahi duguna. Gure oroitzapenetan, haurren bihotzak baino uler ez ditzakeen emozioek eta gertaerek egiten dute habia. Arteak, sortzaileen historiak iragazitako begiradaren bidez, unibertso hori guztia ispilu gisa islatzeko gaitasun miragarria du, gogoraraziz haurtzaroa ez dela soilik iraganeko puntu bat, gure identitatearen zati intrintseko bat ere baita. Gainera, galdutako xalotasuna estimatzen, irudimena baloratzen eta nostalgia besarkatzen erakusten digu, denbora igaro arren izan ginen haurra ez dela guztiz desagertzen oroitarazita. Erakusketan dauden artelanak.

17:00

Getxoko Santa Anako jaiak

19:00

Asuako jaiak

Auzo txikia izan arren, bertako bizilagunek uztailaren 19tik 21era ospatuko dituzte festak; beste urte batez, jai-batzordeko kideek hiru eguneko egitarau ederra prestatu dute horretarako.

20:00

Munduko kulturak eta tradizioak ezagutzeko zita

Hungariako Ilosvai Talde Folklorikoa, Kazakhstango Naz folklore konpainia nazionala eta Getxoko Itxartu Dantza Taldea izango dira 2024ko Nazioarteko Folklore Jaialdiko protagonistak. Aurten, aurreko edizioetan bezala, dantza-emanaldi guztiak Algortako Muxikebarri Antzokian izango dira, 20:00etan.

21:00

Getxo Eszena Kalean aire zabaleko programazioari hasiera emango diote zapatuan, Areetan

Udaberri bete-betean gaudela, eguraldi ona aprobetxatuta, aire zabaleko arte eszenikoen programazioari hasiera emango diote zapatuan, hilaren 4an, Getxon. Hala, aste honetatik aurrera, eta urriaren amaiera bitartean, adin guztiei zuzendutako antzerki, dantza, zirku eta askotariko generoez gozatzeko aukera egongo da Areetako Xake plazako anfiteatro berrian. Zapatu honetan Cía Maite Guevararen Susto zirku-clown saioa egongo da gozagai, 21:00etatik aurrera.

22:00

Plentziako udako zinema

Gaurtik abuztuaren 6ra arte, Plentziako kaleak zinemaz beteko dituzte udako zinema emanaldiakaz. Hurrengo martitzenetan sei pelikula eskainiko dituzte, Eleiz plazan, portuan, Ontziola plazan eta Txipion.