Osteguna, urtarrilak 2

18:00

19:00

Scrooge eta mamuak, umeentzako antzerkia

Charles Dickensen Gabonetako ipuina lanaren egokitzapena da, Khea Ziaterren estilo paregabean sortua: film eszenikoa. Antzerkia, zinema eta panpinak uztartzen ditu Ebenezer Scrooge bankari berekoi eta diruarekin obsesionatuaren eraldaketa kontatzeko. Roberta bere enplegatuari egun librea ukatu ondoren, Marley bere bazkide zenaren mamuaren bisita jasoko du, eta honek bere patuaz ohartarazi eta hiru izpiritu bidaliko dizkio. Hauek iraganetik, orainetik eta etorkizunetik bidaia bat egitera eramaten dute, maitasuna eta eskuzabaltasuna berraurkitzen lagunduz. Azkenik, Scrooge biziz eta maitatzeko gogoz betetako pertsona bezala berpizten da. Sarrera: 4/5 euro.

10:00

Zabalik dago Gorlizko Gabonetako apainketa lehiaketan parte hartzeko epea abenduaren 20ra arte

Tokiko merkataritza dinamizatzeko eta bultzatzeko asmoz, Goskoak, Gorlizko Ostalaritza, Merkatari eta Zerbitzuen Elkarteak, eta Gorlizko Udalak Gabonetako Apainketa Lehiaketa berri bat antolatu dute aurten. Parte hartzeko epea zabalik dago abenduaren 20ra arte eta izena eman gura dutenek goskoa@gmail.com helbidera mezu bat bidali behar dute. Bertan zehaztu beharko dituzte izena, telefonoa, dekorazioaren argazkia, apainketaren helbidea eta izenburua.

10:00

Gaitasun digitalak lantzeko doako ekintza presentzialak egingo dituzte Gorlizen

Datorren urtarrilaren 2an, 3an eta 4an, 9 eta 17 urte bitarteko gazteentzako abentura, misio eta erronka desberdinak egingo dira Urdulizko Sertutxenako kazetagunean, guztiak gaitasun digitalakaz lotuak. Abentura bakoitzean gaitasun berriak eskuratzeko aukera izango dute. Internet eta tresna digitalak modu erabilgarri, sortzaile, babestua eta arduratsuan erabiltzeko. Izen-ematea zabalik abenduaren 15era arte, hurrengo telefonoan: 946 774 000.

11:00

Elanchove lurrunontziaren hondoratze misteriotsua

Abenduaren 1ean, Elanchove lurrunontziaren hondoratze misteriotsua erakusketa inauguratuko dute Plasentia de Butron Museoan. Erakusketa Idoia Ibañez Espainiako Merkataritza Itsasketako lehen emakume kapitainak komisariatuko du, eta Merkataritza Itsasketako Kapitainen Bizkaiko Elkartearen laguntza izan du. Erakusketak enigma historiko bat argitzea ez ezik, kaltetutako familiei omenaldia egitea ere bilatzen du, erantzunen zain dauden galderez betetako iraganari leiho bat irekitzeko xedeagaz.

12:00

Gabonetako jarduerak Leioan

Eguberriak sasoi magikoa dira askorentzat, horregatik, leioaztarren artean lilura piztuko duten hamaika jarduera iragarri ditu Udalak: Olentzero eta Mari Domingiri harrerak, Elur-bola, Errege Magoen kabalgata, antzerkiak eta beste hainbat ekintza. Hemen dituzue guztiak.

17:45

Lemoizko Gabon programa osoa ikusgai

Lemoizko Udalak hainbat jarduera antolatu ditu egun gutxi barru sartuko garen Gabon garairako. Euskara eta haurrak izango dira protagonista jarraian zehazten dugun Gabonetako egitarauan.