Ostirala, otsailak 6

20:00

21:30

Antzerkia: "AA Aita"

Jon Plazaolak aitatasuna hartu du hizpide AA Aita komedian. Lehen semea jaio eta hiru egunetara estreinatu zuen Tu-Tum; Platz! ikuskizuna, aitatasun bajari muzin eginda. Azken finean bizitza horretarako da, ezta? Bakoitzak berea nahi duen modura izorratzeko. Bi urte hauetan aitatasunak eman dion dena publikoarekin elkarbanatu nahi du Plazaolak, esperientzia onak elkarbanatu eta funtsezkoena: oinazea monetizatu. Aitatasuna ardatz eta aitzaki izango da baita patetismo eta ergelkeria propioaz aritzeko ere, eta noski, gainontzekoen patetismo eta ergelkerian sakontzeko batez ere.

12:00

Gure! jaialdia

Gure! jaialdiaren edizio berri bat ospatuko dute bariku eta zapatu honetan, hilaren 6an eta 7an. Sendotutako kultur hitzordu izateaz gain, Tartanga zentroko Ikus-entzunezkoen eta Ikuskizunen Ekoizpen zikloko bigarren mailako ikasleek antolatzen duten jaialdia hau erabat errotuta dago herriko kultur agendan. Hala, bi egunez, ikasgelan egindako lana kalera aterako dute, Altzagako zortzi gunetan banatutako kontzertu, jarduera eta aisialdi proposamenen bidez.