Igandea, otsailak 22

09:00

16:00

Txangoa Untzueta mendira

Domeka honetan, otsailak 22, Etzandarri Mendi Taldeak mendi-irteera berri bat antolatu du. Oraingo honetan, Untzueta mendira izango da. Ez da zailtasun handiko ibilbidea; izan ere, 770 metroko altuera baino ez du eta 8,7km izango dira guztira. Interesa izatekotan, jakin ezazu 09:00etan izango dela irteera, Armintzako bus geltokian.

Hizkuntza: Euskara

18:00

Familientzako zinema: "Azerik eta Erbik basoa salbatzen dute"

Basoan gauza arraroak gertatzen dira! Hontza desagertu egin da, arratoi bihurri batzuek izututa dauzkate auzokoak eta laku batek gainezka egin du, basoan bizi diren gure lagunen etxeak urpean utziz. Akaso Kastore megalomanoaren lana izan daiteke? Azerik eta Erbik deskubritu egin nahi dute. Beren lagunik onena aurkitu behar dute, Hontza, eta euren etxeak salbatu nahi dituzte. Baina horrek arriskuan jarriko du haien adiskidetasuna.

09:00

Erakusketa: "Jainko barra"

Martzel Do Nascimento Goiriaren "Jainko Bakarra" erakusketa orainari buruzko errealitatea eta bestelako etorkizun posibleak irudikatzeko aukera aztertzen duen pintura bilduma da. Ikuspegi materialista batetik itxaropen ezaren eta aldaketak pentsarazteko bizi-bultzadaren arteko gorabehera emozionaletik sortzen da proiektua. Mihisean egindako teknika mistodun lanek aurkakoen arteko tentsiotik eraikitzen dira: geometrikoaren eta organikoaren artekoa, oreka eta gatazka, eustea eta bulkada. Beltzaren eta laranjaren presentzia etengabeak izaera narratiboa hartzen du, pentsamendu material eta emozionalaren ariketa jarrai gisa funtzionatzen duen elkarbizitza kromatiko bat sortuz.

11:30

Algortako Inauteriak

Algortarrek prest dituzte 2026ko Inauteriak, eta otsailaren 20tik 22ra bitartean herria giro, kolore eta festaz beteko dituen egitarau oparoa aurkeztu dute daborduko. Aurtengo gaia Erdi Aroa izango da eta, protagonista nagusiak umeei, familiei eta gazteei zuzendutako jarduerak izango dira, hala nola tailerrak, kalejirak, mozorro-desfileak, musika, erromeria...