Urdulizko kultur etxea

16:45

19:45

Antsietatea maneiatzen ikasteko ikastaroa egingo dute Urdulizen, emakumeei zuzenduta

Otsailetik apirilera 10 sesio egingo dituzte antsietatea kudeatzen ikasteko Urdulizko Kultur Etxean, martitzenero, 16:45etik 19:45era. Antsietatea edo depresioa jasaten duten emakumeei zuzenduta dago, baita zeharka egoera hori bizi duten senitartekoei ere. Hala, izen-ematea otsailaren 5era arte eman daiteke prebentzioa@uribekosta.eus helbidean edota 688 699 454 eta 946 859 611 zenbakietan. Helburua da emakumeen bizitzan ondo sentiarazten dituzten faktoreak eraikitzen laguntzea, hala nola autonomia osasun mentalaren kudeaketan eta autozaintza eta ahalduntzea sustatzea psikofarmakoen erabileraren ordez.

10:00

15:00

Itsas inguruneko kontzientziaziorako Urez Ur Fest jaialdia egingo dute Urdulizen

Apirilaren 15etik 21era Urduliz itsasoari buruzko edukietan hezteko eta kontzientziatzeko topagunea bihurtuko da. Hala, Urez Ur Fest jaialdiaren helburua da jendeak itsasoarekiko enpatia eta ulermena garatzea adituen, zientzialarien eta dibulgatzaileen ikuspegiakaz lagunduta. Ekintza guztiak Urdulizko kultur etxean egingo dituzte, Udalak eta Tantak elkarteak antolatuta.

16:30

Irakurketa partekatuko saioa egingo dute apirilaren 23an Urdulizen

Liburuaren Munduko Eguna ospatuko dute apirilaren 23an Urdulizen. Horretarako, irakurketa partekatuko saio bat egingo dute Urdulizko kultur etxean. Parte hartzeko izen-ematea apirilaren 19ra arte da.

17:30

Espazioa ezagutuko dute umeek Urdulizko astronomia tailerragaz!

Maiatzaren 31etik ekainaren 21era, barikuetan, astronomia tailerra egingo dute Urdulizko kultur etxean. Hala, umeak espazioan barrena ibiliko dira hiru saio praktiko eta gaueko behaketa bategaz. H1-H6 (6-12) kurtsoetako umeentzako prestatutako tailerra da. Izena emateko epea: apirilaren 17etik 28ra. ​​Plaza mugatuak dira.