Saioa Sanchez Bretainiara eroan dute

Saioa Sanchez. © ESPAINIAKO POLIZIA

Saioa Sanchez Berangoko preso politikoa Soto del Realeko kartzelatik (Gaztela, 382 kilometrora) Rennesekora (Bretainia, 801 kilometrora) lekualdatu zuten joan den eguenean, Amnistiaren Aldeko eta Errepresioaren Aurkako Mugimenduak jakinarazi duenez.

Espainiako Auzitegi Nazionalak hamabost urteko kartzela-zigorra ipini zion Saioa Sanchez Iturregi preso politiko berangoztarrari. Apirilean estraditatu zuten Sanchez Frantziatik Espainiara, eta ekainaren 6an epaitu zuten Madrilen, Bilboko Inemeko leherketaren auziagatik.

Bigarren aldia izan zen berangoztarra horregatik epaitu zutena, Espainiako Auzitegi Gorenak baliogabetu egin zuelako Sanchez, Etxeberria eta Zapirainen aurka egindako lehenengo epaiketa, Etxeberriak eta Zapirainek salatutako torturak ikertu ez zirelako. Aurretik, 2014an, Europako Giza Eskubideen Auzitegiak Espainiako Estatua zigortu zuen, Etxebarriaren tortura salaketa nahikoa ez ikertzeagatik. Halere, epai berrian berretsi egin dituzte lehenengo epaiketaren sententziako zigor berberak, "nazioartean onartuta dagoen torturari buruzko Istanbulgo txostenari muzin eginez eta torturaren eta bere arduradunen zigorgabetasunari ateak irekiz", AAEAMren arabera.

Hala, epaiketaren epaia aterata, Estatu espainiarrak Administrazio frantsesaren esku utzi du berriro ere Sanchez, Parisko Auzitegian ezarri zioten 28 urteko espetxe-zigorra betetzen segi dezan. Azken hiru hilabeteotan, Brieva eta Soto del Realeko kartzeletan egon da.

Saioa Sanchez 2007ko abendutik dago kartzelan; Versailles, Fleury, Poitiers-Vivonne, Nantes, Roanne, Estremera, Rennes, Brieva eta Soto del Realgo kartzeletatik igaro da. AAEAMk zabaldu duenez, honako hau da Saioa Sanchezen helbide berria:

Saioa Sanchez Iturregi

  • Centre Pénitentiaire Pour Femmes
  • 18 bis Rue de Châtillon
  • 35.031 Rennes-Cédex
Erlazionatuak

Beste hamabost urteko espetxe-zigorra Saioa Sanchez presoarentzat

Berango

Espainiako Auzitegi Nazionalak hamabost urteko kartzela-zigorra ipini dio Saioa Sanchez Iturregi preso politiko berangoztarrari. Apirilean estradit...
Saioa Sanchez gehiago urrundu dute

Berango

Saioa Sanchez Iturregi preso berangoztarra lekualdatu zuten atzo, Soto del Realeko kartzelatik (Berangotik 382 kilometrora) Brievakora (4...
Saioa Sanchez epaituko dute bihar Auzitegi Nazionalean

Berango

Bihar hasiko da Saioa Sanchez Iturregi preso berangoztarraren aurkako judizioa Espainiako Auzitegi Nazionalean. Beragaz batera, Bea Etxebarria eta ...
Saioa Sanchez preso berangoztarra estraditatu du Frantziak

Berango

Estatu frantsesak Saioa Sanchez Iturregi Berangoko presoa utzi du Espainiako Polizia Nazionalaren esku, beste euskal herritar bigaz batera, Amnisti...
TATek eskatu du Saioa Sanchezen kasua salbuespena ez izatea

Berango

Torturaren Aurkako Taldeak (TAT) uste du eredu hartzeko modukoa dela Saioa Sanchez, Beatriz Etxebarria eta Iñigo Zapirain euskal presoei Esp...
Saioa Sanchez preso berangoztarraren aurkako epai bat bertan behera utzi dute

Berango

Espainiako Auzitegi Gorenaren Bigarren Salak ezeztatu du Saioa Sanchez Iturregi, Iñigo Zapirain eta Beatriz Etxebarria euskal presoen aurka ...