Euskararen Eguna: astea, hilabetea, urtea...

Atzo, gaur eta bihar. Herritarrek, elkarteek eta erakundeek. Beharginek, lanbakoek eta erretirodunek. Amama-aititek, gurasoek eta umeek. Alderdi politikoek, herri-mugimenduek eta bestelako horiek. Bertokoek, bertokotu direnek eta etorriko direnek. Mihiz, belarriz eta buru-bihotzez. Astiro, zure martxan eta arin. Ondo esandakoak, erdizka esandakoak eta txarto esandakoak. Zuzen, egoki eta jator. Buruhausteak, okerrak eta gozamenak. Erabiliz, ikasiz eta jardunez. Pentsamenduz, idatziz eta ahoz. Paperean, agerkari digitalean... eta irratian ere gurako genuke! Zuk eta biok, HIRUKAn: Uribe Kosta euskaraz.