Maiatzaren 17an erakustaldia egingo dute ALBEko ume-gaztetxo-gazteek Areetako Andres Isasi musika eskolan. Alaia Martin eta Unai Mendiburu izango dituzte bidelagun.
Datorren maiatzaren 17an, eguenean, Erandioko Betiko Neskak futbol-taldeak egingo du emakumezko futbolzaleentzako bigarren topaketa. Klubak Astrabuduako San Lorentzo futbol-zelaira hurreratzeko gonbidapena luzatu die inguruko neskei eta emakumeei, entrenamenduetan probatzeko.
Apirila amaitzear dagoela, datorren hilabeterako egitaraua prestatu du Getxoko Ingurumen Aretoak. Hala, bihartik aurrera, martitzenetik, askotariko jarduerak egongo dira gozagai, familia denarentzat.
Beste urte batez, Sopelako Udalak ekintzaz beteriko egitaraua antolatu du udako oporrei begira, besteak beste: Udaleku Irekiak, Surf Udalekuak, Summer Camp, Musikanp, Zientzia Udalekuak eta Musikaz Blai.
Aurtengo Umore Azokan, ehun emanaldi baino gehiago egingo dituzte Euskal Herriko zein beste herrialdeetako 40 kaleko artista taldek, Leioan. Antzerkia, dantza eta zirku garaikidea izango dira ardatz nagusiak.