Urdulizko Udalak Hazten ikusi gaituzten arrokak izeneko txangoa antolatuko du irailaren 18an, udalerriko formazio geologikoak ezagutzera emateko. Publiko guztientzako jarduerak txanda bi izango ditu.
Aurtengo Oinezkoen Pausora herritarren martxak ez du ibilbide finkorik izango, eta taldeka antolatuko diren partaideek beraien etxetik hasiko dute bidea. Bestalde, irailaren 22an, Ibilgailurik Gabeko Nazioarteko Eguna baliatuz, Haur Ibilbide Topaketa egingo dute, umeak eskolara oinez joateko ekimena, hain zuzen ere.
Ainhoa Resano (Ellas proiektua) Partehartzaileek Hamaiketakoa egin ahal izango dute sortzaile hauekin. Asmoa da berba egitea, elkar ezagutu, kezkak partekatu, galdetzera ausartu… Azken finean, “irakasle-ikasle” diskurtsotik urrundu eta Erika eta Ainhoarekin kalitatezko denbora bat bizi.
Alaia Martin, Imanol Uria (bertsolariak) Aurtengo edzioko artistak txango gogoangarri batean ezagutu nahi badituzu, halabeharrez eman behar duzu izena jarduera honetan. Bisita-programa honetan Jaialdiaren lau lagunek erakutsitako proiektuei buruzko euren ikuspuntu personal eta interesgarriak azalduko dizkigute. Jarri zaitez Yogurinha Borova, Alaia Martin, Imanol Uria eta Cristina Lizarragaren eskuetan eta euren erakusketarik gogokoenak ezagutu.
Dani Mateo umore eszenako komiko eta aurkezle ezagun eta onenetakoa da. «Zapeando», «Roast Battle» eta «El Intermedio» saioen ohiko kolaboratzailea izan da, eta «Comedy Central» eta «Club de la Comedia»n ere parte hartu du askotan. Umore zuzena eta garratza du ezaugarri nagusi artista honek eta ditu epel utziko ezta saltzaileak ere. Barreak aske utziko zaituzte! Iraupena: 80 min Hizkuntza: gaztelania Sarrerak: 20€
Ezohiko uda ere izango da aurtengoa, jarduera kulturalei dagokienez behintzat. Hala, urtez urteko jaiak beharrean, udaldi osorako egitaraua prestatu dute oraingoan. Jarduerak eskolan eta Berangoeta kultur etxean jarritako karpetan egingo dituzte; Santa Anako jaietan, aldiz, auzo horretan jarritako karpan izango dira. Ekitaldi guztientzako edukiera mugatuta egongo da, eta aldez aurretik eskuratu beharko dira sarrerak, doan, Berangoeta kultur etxean.
Bizarra Lepoan euskara elkarteak eta Bizkaiko Urtxintxa eskolak Astialdiko Begirale ikastaroa eskainiko dugu Getxon. Ikastaroa 2021eko urritik 2022ko maiatzera bitarteko zenbait asteburutan burutuko dugu. Guztira 150 ordu teoriko eta 160 ordu praktiko egingo ditugu. Urriaren 1era arte eman daiteke izena hemen: https://forms.gle/rNsKk2haRhRzsmdXA
Herriko merkataritza bultzatzeko eta udalerrian dagoen eskaintza ikusarazteko, irailaren 15etik 18ra, Izakinen Amaierako Merkatuaren beste edizio bat egingo dute Getxon. Aurrekoetan bezala, udalerriko saltokiek askotariko produktuak eskainiko dizkiete bezeroei, "arrazoizko prezioetan".
Irailaren 16tik 19ra egingo den Leioako Kaleko Artisten Azokan Euskal Herriko 22 konpainia, espainiar Estatuko 14k eta nazioarteko 3k parte hartuko dute. Aurtengo ikuskizunak karpa barruan egingo dituzte, osasun-neurriak bermatzeko eta eguraldi txarretik babesteko.
Irailaren 16tik 22ra eta “Zure osasunaren alde, mugi zaitez modu jasangarrian” lelopean, Europako Mugikortasun Astea ospatuko du Getxok, non oinezkoek, bizikletek eta garraio publikoak lehentasuna izango duten. Izan ere, horiek dira isuri txikiko mugikortasun osasungarria, eraginkorra eta eskuragarria lortzeko ezinbesteko protagonistak.
Duela urte biko arrakastaren ondoren, aurten ere antolatu dute Txalaparta Bira, tresna tradizional hori eskualdean sustatzeko asmoz. Irailaren 17an (barikua) herriz herri egingo dituzte erakustaldiak eta tailerrak, eta irailaren 19ko eguerdian amaituko dute bira, Algortan.