Urriaren 8an, 18:30ean hasita, Punta Begoñako galerien bisita toponimikoa egingo dugu. Galerien sarreran geratuko gara ibilbideari hasiera emateko. Parte hartzeko izena eman behar da: idatzi getxo.toponimia@gmail.com helbidera edo deitu 688 635 350 telefonora.Ibilbideak euskaraz eta doan dira.
“Arineketan Iñar Sastre eta Jagoba Astiazaran musikarien proiektu bateratua da. Dantza doinu eta erritmo tradizionalak eraberritzen saiatu dira izen bereko diska argitara emanaz. J.I. Iztueta folklore biltzaileak jasotakoak hartu dituzte abiapuntu. “Betikotzat” ditugun fandango, zortziko eta ezpata dantzekin jolasean aritu dira, gaur egunera ekarri eta pop, jazz eta musika latinoarekin uztartuz. Disko antzokietara eramateko kolaboratzaile talde handia bildu dute albora. Xabi Zeberio (biolina), Agate Amilibia (txeloa) Ainara Ortega (ahotsa) eta nola ez dantza erdigunera ekartzeko Haatik Dantza konpainia. Adin guztietako publikoarentzat egokituriko dantza eta musika emanaldia. Bide batez, euskal folkloreko doinu zahar askori hautsak kendu eta gaur egungo dantza taldeei material berria eskura utziz.
Aurten, pandemia dela eta, ezin izan dituzte Mesedeetako jaiak ospatu Areetan; horren ordez, baina, Aste Kulturalaz gozatu ahal izango dute auzokideek aste-akabu honetan, eguenetik domekara.