Lurraren Beroketaren aurkako Ekintzaren Munduko Eguna ospatzeko, lehiaketa hau antolatu dugu sare sozialen bidez, adin guztietako pertsonei zuzenduta. Berotze globala saihesteko edo murrizteko keinu on bat egiten duten pertsonak sendabelar edo aromatiko baten zozketan sartuko dira. Egun osoan parte hartu ahal izango da, eta argazkiak sare sozialetan (Facebook, Instagram eta Twitter) partekatu beharko dira #getxoerronka hashtag-aren bidez.
16 urtetik gorako pertsonei zuzendutako tailerra da eta bertan irin mota desberdinei eta hartzidura prozesuari buruz ikasiko dute parte-hartzaileek, eta ore amarekin 2 ogi mota egingo dituzte Oihana Rodriguezen eskutik (Ur eta Lur). Tailerra 10:30etatik 13:30etara burutuko da eta beharrezkoa da izena ematea aldez aurretik.
Dark Red Team 2012an argazkilaritza maite duten hainbat lagunek sortutako taldea da, arte honi buelta bat eman nahian. Lightpainting artea lantzen hasita, pixkanaka-pixkanaka argiztapen-tresnak eta teknikak garatzen joan ziren, desiratutako emaitzak lortzeko. Urtarrilean euren bi argazki erakusketaz gozatu ahal izango dugu. Erakusketetako batean meategietan lan egiteko antzinako modua birsortzen da eta, besteak, lightpainting-a bere egoera puruan bistaratzen du. Hitzaldian, horrelako argazkiak egiteko erabilitako teknika azalduko dute.
Euskaraz, 5 urtetik aurrera. Sarrera, 6,15 euro.
Misterioa. Oihala ireki eta izua zabaltzen da agertokian. Antzoki betea?! Musikariek, harrituta, elkar kontsultatzen dute. Ordua da! Erritmo-frenesi bat zabaltzen da aretoan. Munduko bederatzi txokoetatik datozen doinu eta dantzak. Abaniko eklektiko eta dinamikoa, kolore ugariko taldea osatzen duten artistak banan-banan aurkezteko: armeniar beterano bat, ukrainar operako abeslari bat, artista martzial korear bat, errusiar-uzbeko kopetilun bat, paella valentziarra, cocido madrileñoa, olagarroa galiziar erara, pan tumaca katalana... Festa hasi da
