Jaurlaritzak 16 zuzenketa eskatu dizkio Getxoko Udalari Larrañazubiko konpostatze plantan
uzt 10, 11:53 Getxo
Eusko Jaurlaritzako Industria Sailak Getxoko Udalari Larrañazubiko konpostatze eta lehortze plantan 16 zuzenketa egiteko eskatu dio. Instalazioak 2024aren amaierara arte proba-fasean jardun zuen, eta etorkizunean urtean 90.000 tona hondakin organiko tratatzeko gaitasuna izatea aurreikusten da. Horretarako, Getxokoaz gain, Uribe Kostako gainerako udalerrietako hondakin organikoak ere bertara eramatea aurreikusten dute Bizkaiko Foru Aldundiak eta Udalak.
Zaporeak GKEak Aixerrotako paelletan errefuxiatuentzat 5.000 kilo arroz biltzeko erronka ezarri du
uzt 09, 13:10 Getxo
Iaz, 4.000 kilo baino gehiago batu zituzten Lesboseko (Grezia) kanpalekuan dauden errefuxiatuak elikatzeko, eta, aurten, marka hori hautsi eta 1.000 kilo gehiago batu gura dituzte. Horretarako, uztailaren 25ean Aixerrotako landetan egingo den Nazioarteko Paella Txapelketan beraien txokoa izango dute herritarren ekarpenak jasotzeko. Aurten, gainera, helburu hori betetzeko herriko hainbat musika- eta kirol-talderen babesa ere jaso dute.
