II. Getxo Dantzan 2018
Getxoko dantza taldeok (Agurra, Berantzagi, Itxartu, Itxas Argia eta Zasi Eskola), Getxoko Kultur Etxearen eta Andres Isasi Musika Eskolaren laguntzarekin, Getxo Dantzan ekimenaren bigarren edizioa aurkeztu nahi dizuegu. Aurten, Romoko Santa Eugenia plazan ospatuko dugu irailaren 29an, larunbata. Dantzez gozatzera gonbidatuta zaudete!
GETXOKO DULTZAINERO EGUNA 2018
Domekan izango da Algortako Portu Zaharreko dantzaldia
Urtero legez, eta Jai Batzordearen gonbidapenari esker, Algortako Portu Zaharreko jaietan parte hartuko du Itxas Argia Dantza Taldeak. Aurton, dantzaldia abuztuaren 12an egingo dugu, domekan, gaueko 22:00etatik aurrera, hormatzar handian. Gonbidatuta zaudete!
Aurten ere Biotz Alairen abestiak "jantziko" ditu Itxas Argiak, San Lorentzo egunean
Aurten ere Biotz Alai abesbatzak egiten duen San Lorentzo eguneko kontzertuan izango da Itxas Argia Dantza Taldea. Ekitaldia Algortako Biotz Alai plazan izango da, bihar, abuztuaren 10ean, 22:00etan.
Paella-lehiaketarako ohar garrantzitsua!
Itxas Argia elkarteak, Aixerrotako Paella Lehiaketako antolatzaileak, jakinarazten du, segurtasun arauen aldaketen ondorioz, uztailaren 9an eta 10ean toldoak bilduko direnean, toldo bakoitzeko pertsona batek zinpeko aitorpena sinatu beharko duela, NANa aurkeztuz. Segurtasun arauak eta toldoak biltzeko ordutegiak Itxas Argiaren webgunean ageri dira: Itxas-argia.com.
Getxoko San Juan gaua!
Badator urteko gaurik laburrena, ekainaren 23an San Juan bezpera gaua ospatuko dugu Getxon. Itxas Argia elkarteak antolatuta 19:00etatik aurrera txitxi-burruntzia, txistulariak eta fanfarrea izango ditugu Malakate parkean. Anima zaitezte!
Getxoko gizon eta emakume nagusien eguna
Urtero lez, Itxas Argiako txikienek Getxoko gizon eta emakume nagusien egunean parte hartuko dute, ondo dakiten bezala haien dantzak eskainiz. Ekainaren 3an izango da, igandean, 13:15ean Andra Mari eskolan. Batu ditzagun lehena eta geroa!
Errusiako eta Bielorrusiako umeak laguntzeko ikuskizuna, zapatuan
Itxas Argia Dantza Taldeak parte hartuko du Club Hípico La Galeak antolatutako "Cenicienta: Un cuento de hadas a caballo" izeneko ikuskizunean. Bertan, zaldi gainean egindako koreografiak, antzerkia, musika eta dantza uztartuko dira.
XXV. Herrien Jaialdia
Urtero bezala, XXV. Herrien Jaialdia ospatuko dugu maiatzaren 12an. Alabaina, aurtengo edizioa berezia izango da hogeita bostgarrena delako eta, horregatik, atzerritik gurera etorri zen lehen taldea gonbidatu dugu. Bretainiatik (Frantzia) etorri ziren duela hogeita hiru urte lehenengoz eta, aurten, bueltan izango ditugu Danserien Bro Klegereg dantza tadea eta Kevrenn Bro Logunech musika taldea.
Itxas Argia