Igandea, ekainak 26

10:00

XXV. Nekazaritza eta Artisautza Azoka

San Juan jaien ohiko jarduerak berreskuratzeagaz batera, Nekazaritza eta Artisautza Azokaren XXV. edizioa egingo dute Barrikan, domekan. Hala, 10:00etatik 15:00etara, 25 saltoki baino gehiago egongo dira askotariko produktuez gozatzeko, udaletxearen ondoko plazan.

11:00

Erandioko Harrotxiki

LGTBI+ kolektiboaren Eskubideen Aldeko Nazioarteko Eguna dela eta herriko txikientzako jarduerak antolatuko dituzte, eta hainbat dinamikaren bidez hainbat familia-eredu landuko dituzte. 13:00etatik aurrera, Yogurina Borovagaz Gora Bihotzak dantzatzeko ikuskizuna egongo da.

11:30

Burdin Hesiaren Oroimenaren Museora bisita gidatua

12:00

Sopelako San Pedro jaietako bertso-saioa

Naroa Torralba, Oihana Bartra, Onintza Enbeita eta Saioa Alkaiza bertsolariak izango ditugu kantuan, Miren Loizagaren gidaritzapean. 12:00etan, txosna-gunean.

09:00

Bilboko Euskal Museoko Euskal kulturaren nazioarteko atea erakusketa ibiltaria

Erakusketa osatzen duten 20 panelek museoaren etorkizuneko informazio arkitektoniko eta museografikoa jasotzen dute. Bertan, Asier Gómez argazkigilearen museoko piezen irudi-bilduma ere ikusi ahalko da hilaren 30a arte.

09:00

Sopelako San Pedro jaiak

Sopelako San Pedro jaietarako egitarau oparoa prestatu dute aurten Udalak eta jai-batzordeak. Gainera, azken urteotako geldialdiaren ostean, festak indarrez beteta datozela baieztatu dute programa osatzen aritu direnek. Aurten, Gorka Granado Terrones arduratuko da pregoiaz; dantzari gazteak Euskal Herriko Dantza Txapelketa irabazi zuen iaz. Beragaz batera, Txokoholik taldeak jaurtiko du jaien hasiera iragartzeko txupina.

10:00

Erandioko kirol astea

Erandioko Udalak eta herriko kirol taldeek Kirol Astea antolatuko dute bihartik domekara bitartean. Horri esker udalerriko auzoetan piraguismoa, eskubaloia, abiadura-kirolak, futbola eta sokatira bezalako hainbat kirol praktikatzeko aukera emango dizkiete erandioztarrei. Jarduerak goizez, arratsaldez eta gauez egingo dituzte udalerriko toki ezberdinetan.

16:00

Zubiletako jaiak

San Juan Egunaren bezpera dugu gaur, udari ondoetorria egitekoa. Horregaz batera, Getxoko Zubileta auzoan, herritarrek euren jaiei hasiera emateko tartea izango dute gaur. Hala, arrastiko 16:00etatik aurrera, txupina bota eta ekimenez beteriko lau egunez gozatzeko aukera izango dute aste-akabuan.

19:00

Barrikako San Juan jaiak

Aurten, inoiz baino lehenago hasi dira Barrikan San Juan jaiak. Izan ere, ekainaren 11tik ospakizunen usaina protagonista da kostaldeko herri horretan; besteak beste, VI. Argazkilaritza Rally Digitala egin dute, baita benjamin eta alebin mailako tenis txapelketari hasiera eman ere. Dena dela, ekitaldi berezi horien ondoren, barikuan, ekainaren 17an, emango diote sanjoanei hasiera ofiziala, 19:00etan, txupinaren jaurtiketagaz.