Landaketa tailerra eta konpostaje tailerra.
Sopelako Eraztun Berdearen ekimenean aurrera egiten jarraitzeko zuhaitz-landaketa deitu du Sopelako Eraztun Berdearen Kontseiluak. Jarduketa horren bitartez Lemotza errekaren inguruan 4.000 metro koadroko berdegunea berreskuratu gura dute herritarren gozamenerako.
Urdulizko Udalak Haurtzaroko Basoak egitasmoaren bigarren edizioa abiatuko du domeka honetan, martxoaren 12an, Tantak elkarteak zuzenduta. Proiektua 2022ko otsailean hasi zuten, eta xede nagusia da ingurumen-kontzientzia sortzea, baita udalerriko ingurune naturala ezagutzea eta zaintzea ere. Horretarako, herriko haurrek landatutako zuhaitz autoktonoak dituen udalerriko baso bat birpopulatuko dute.
Getxon egingo dute domeka honetan, martxoaren 12an, Tour Eguna; Bizkaiko Foru Aldundiaren eta Frantziako Tourraren antolakuntzaren ekimen ludiko eta dibulgatiboa da, Bilbok eta Bizkaiko hainbat udalerrik, tartean Getxo, uztailaren 1ean Frantziako lasterketaren hasieran izango duten protagonismoa ospatzeko.
Martxoaren 12ko goizean zehar, 11:00etatik 15:00etara, elkartasun azoka Urdulizko Txiberri tabernako frontoian. Eta ostean herri bazkaria: paella eta postrea 8 euroan. Apuntatzeko aukera gaurtik aurrera Txiberrin bertan ala 656 536 171 telefonora mezua bidalita.
Garazi Basterretxea Bareak gidatutako idazketa tailer honetan, partaideek euren testu propioak sortuko dituzte euskal literaturako testuetatik abiatuta eta dinamika ludiko parte-hartzaileen bidez. Partaideei fikziozko lanak sortzeko tresnak emango zaizkie, gura dutenari buruz idatz dezaten. Besteak beste, poemak, ipuinak, eta narrazio laburrak landuko dira. Txokoa mistoa izango da eta testuak eta dinamikak ikuspegi feministatik hautatuko dira. Tailerra hilean behin egingo da, eguenetan 19:30etik 21:00etara, Azebarri Kultura Elkartean (Euskal Herria Kalea, 14, 48991 Getxo, Bizkaia). Hurrengo saioak honakoak dira: martxoaren 2an, apirilaren 20an, maiatzaren 4an, eta ekainaren 1ean. Izen-emateko: 619 93 55 41 / egizugetxo@gmail.com