Osteguna, uztailak 20

10:00

Sopelako Santa Marina Eguna: berriz ere, ohituragaz bat

XV. mendeko Santa Marina baselizara heltzeko mendian gora egin ohi dute sopeloztarrek uztailaren 20an. Eta, aurten ere, ez dute huts egiteko inolako intentziorik. Goizeko 10:00etatik aurrera, Santa Marina Eguneko ohiturakaz jarraituko dute Sopelan: herritarrek 140 eskailera igo behar dituzte Santa Mariñe deitutako baselizara heltzeko, eta bertan santuari ohorezko meza egingo diote. Izan ere, bera omen da haurdun dauden emakumeen zaindaria. Ostean, Fernando Ansoleagaren omenezko plazan, ohorezko aurreskua eta lore-eskaintza egingo dute, eta,  beranduago, haimaiketakoagaz gozatzeko unea izango dute. Hala, eguna bukatuko dute musikaz alaitutako erromeria eta sari-banaketagaz. 

19:30

Antzerkia: "Improtxu"

Erakusketa: "Artearen Ibilbideak BBK IV: Bizkaiai Begira"

BBK La Ruta del Arte - Artearen Ibilbidea dibulgazio artistikoko programak laugarren denboraldia hasiko du, ibilera berriagaz; oraingo honetan, Bizkaiaren irudia erakustea izango du helburu, artearen historiako hainbat garaitan 30 artistak egindako 36 lanen bitartez. Hala, “Bizkaiari begira” jarrita, lurraldearen “erretratu” bat marraztuko dute adierazpen artistikoen bidez (32 margolan, hiru kartel, bi argazki eta collage bat), kronologia zabalean zehar, XVIII. mendeko azken hamarkadetatik XXI. mendeko lehenengora arte. Irudiek Bizkaiko ikonografia eta geografia jasotzen dute, nola landa-guneak, Kantauriko kostaldea eta horko portuak (Bermeo, Elantxobe, Plentzia eta Abra, esaterako), hala Durango, Balmaseda, Gernika-Lumo, Busturialdea-Urdaibai eta bestelako udalerri eta eskualdeetako hiri eta industria giroko paisaiak (Bilbao, Erandio, meatze-herriak). Era berean, Unamunok esan zuen moduan, giza presentzia, herritar jendea, paisaian urtzen da Bizkaiaren idiosinkrasia irudikatzen duten jardueretan: itsasoko jendearen lana, baserritarrena eta lantokietako beharginena, prozesioak eta mistizismoa, aisialdia erromerietan eta estropadetan, bolo-jokoa eta bertsolaritza... kultura eta historia. Friso zabal-zabala da, hasi Luis Pareten eszena idealizatuekin, eta Agustin Ibarrolaren salaketa politikoarekin amaitu.  Babeslea: BBK Erakusketa ikusgai egongo den udalerriak Artearen Ibilbideak museoaren bildumako obren kalitate handiko erreprodukzioak jarriko ditu gune publikoetan. Horretarako, hurrengo hilabeteetan (maiatzetik azarora) programa iritsiko den Bizkaiko 28 udalerrietako udalen laguntza izango du; horietako bakoitzak astebetez hartuko dute ekimen hau, topagune publiko irisgarrietan eta aire zabalean: Bilbao, Barakaldo, Muskiz, Portugalete, Trapagaran, Abanto-Zierbena (Las Carreras), Balmaseda, Getxo, Plentzia, Bermeo, Mundaka, Elantxobe, Nabarniz, Gernika-Lumo, Mungia, Gamiz-Fika, Erandio, Sestao, Bakio, Gordexola, Ugao-Miraballes, Basauri, Etxebarri, Lezama, Amorebieta-Etxano, Iurreta, Garai eta Durango.  

20:00

21:00

Getxoko Nazioarteko Folklore Jaialdia aurreratu eta uztailaren 19tik 21era izango da aurten

Getxoko Nazioarteko Folklore Jaialdiak aurreratu egin du bere 38. edizioa, Muxikebarri Antzokia hautesleku izango baita uztailaren 23ko hauteskunde orokorretan, eta, uztailaren 21etik 23ra izan beharrean, uztailaren 19tik 21era egingo dute.

11:30

12:30

Urduzlizko Santa Mariñe egunean menditik dantzaz blai arituko dira

Jakina da urduliztarrentzako egun garrantzitsua dela Santa Mariñe jaieguna. Sopeloztarrek bezala, santuarenganako errespetua omentzen dute egun horretan, ekintza herrikoiak bateratuz ohitura tradizionalakaz. Zehazki, aurten, uztailaren 20an eta 22an ospatuko dute. Lehen egunean, eguenean, baselizara igotzeko prozesioa egingo dute txistulariek lagunduta, eta, urte honetan amak izan direnak omentzeko aurreskuren ostean, dantzaldiak egingo dituzte jaitsieran Antsonekoa plazaraino. Zapatuan, aldiz, tortilla-lehiaketa eta kuadrillentzako jolasak egingo dituzte jai giroagaz jarraitzeko asmoz.