Kultura 2003-11-14 22:56

Dena prest 'Baserritik Plazara' azokarako

Erabiltzailearen aurpegia Ukberri Larunbatean eta igandean, baserriko produkturik onenak eta nekazari eta abeltzainen bizimoduaren nondik norakoak ikusteko aukera izango dute Algortara etortzen diren guztiek. Orotara, 18 mila metro koadroko eremua prestatu dute 'Baserritik Plazara' azokarako. Izan ere, San Nikolas, Bihotz Alai, Getxo Antzokia eta Geltokiko Plazak eta Juan Bautista kalea hartuko ditu ekitaldiak. Gainera, gaien araberako sei guneetan banatu dute 'Baserri Plazara': fruta, artisautza eta makineria, herri-kirolak, haurrentzako animazioa, abereak eta barazkiak egongo dira, besteak beste. Egitaraua ere apartekoa da, hainbat jarduera eta erakustaldi egongo dira guztion gozamenerako.

Beste alde batetik, kamisetak, sudaderak eta bestelakoak saltzeko postua jarriko dute Ibilaldia 2004ko antolatzaileek. 'Elkarregaz heldu' lelopean Leioa eta Sopelan egingo da Bizkaiko ikastolen jaia.

Egitaraua

Merkatua ezarriko den gunea

Zirkulazio murrizketak
  Jendartea 2003-11-14 21:08

Arrakalak direla eta, Santa Eugeniako kultur aretoa itxi dute

Erabiltzailearen aurpegia Ukberri Santa Eugeniako eskola zaharraren eraikinean Getxoko Kultur Etxeak dituen aretoak eta bertan dagoen Hiritarrei Arreta egiteko Bulegoa (HAB) itxi egin dituzte aldi batez, alboan lurpeko aparkalekua egiteko lanen eraginez arrakalak agertu direlako. Azterketa egin ostean, eraikinaren egiturak ez duela arriskurik aipatu dute udal teknikariek. "Arrakalak txikiak dira, milimetroko bateko zabalera baino ez dute. Gainera, zimenduek ez dute kalterik izan", azaldu dute. Hala ere, bertan eskaintzen ziren zerbitzuak behar bezala emateko "ez dira egokiak" eta beste leku baten bila hasi dira. Datozen egunetan emango dute horren berri.
  Jendartea 2003-11-14 20:14

Lexarreta zubia egokitzeko lanak egingo dituzte

Erabiltzailearen aurpegia Ukberri Gobela Ibaia bideratzeko eta zabalago egiteko ekimenaren barruan, Lexarreta zubia egokitzeko proiektua onartu du gaur Getxoko Udalak. Makaletako etorbidea eta Larrañazubi kalearen artean dago aipatutako bidea eta, gaur egun, estua izateaz gain, oso egoera txarrean dago. Egitasmoa egiteko 476.295 euro inbertituko dituzte. Baina, aurrekontu berrietan horretarako diru kopurua noiz jasotzen den itxaron beharko da egitasmoa aurrera eramateko.
  Kultura 2003-11-14 19:03

Komertzioek erabil ditzaten, euskarazko agiri-ereduak banatuko ditu Udalak

Erabiltzailearen aurpegia Ukberri Fakturak, emate eta abonu-agiriak, eta loteria txartelak elebidun zein euskara hutsez banatuko ditu, laster, Getxoko Udalak, udal gobernuak berak bultzatzen duen euskararen normalizaziorako politikan parte hartzen ari diren komertzioen artean. Agiri hauek banatzeko 10.040 euro inbertituko ditu, guztira. Euskara Planaren barruan, dendetan euskararen erabilera sustatzeko aurrera eramaten ari den ekitntzen artean kokatzen da oraingo egitasmoa.
  Kultura 2003-11-14 18:35

Hurrengo kontzertuak bertan behera utzi ditu Ken Zazpik

Erabiltzailearen aurpegia Ukberri Hedabideei helarazitako prentsa oharraren bitartez, azaroaren 15ean Araman, eta 21ean Tolosako Bonderenean, zituzten bi kontzertuak bertan behera utzi behar izan dituztela adierazi dute Ken Zazpi taldekoek. Izan ere, baxujoleak istripu ban izan eta oineko hezur bat hautsi du. "Bagenuen, ba, gogoa bertan jotzeko, baina hurrengo batean izan beharko du. Eskerrak ematea besterik ez Arama eta Tolosako antolatzaileei eta jendeari", azaldu dute taldekideek.
  Jendartea 2003-11-14 18:20

Gizon bat atxilotu zuten asteartean Areetan, ustez, droga saltzeagatik

Erabiltzailearen aurpegia Ukberri Getxoko Udaleko iturriek jakitera eman dutenez, R.H.H. 42 urteko gizona atxilotu zuen joan den asteartean Udaltzaingoak, ustez, Areetako taberna batean bezero bati droga saltzen ari zitzaiola. Atxiloketa unean, kokaina 25 dosi atzeman zizkioten eta, ondoren, bere etxean egindako miaketan, beste kokaina 40 dosi eta hatxisa aurkitu zituzten. Baita osagai hauek pisatzeko balantza eta dirua ere. Jadanik epailearen aurrera eraman dute gizona.
  Kultura 2003-11-14 17:56

Internet bidez emitituko du gaurko kontzertua Skalariak taldeak

Erabiltzailearen aurpegia Ukberri Skalariak talde nafarrak, gaueko 22:00etatik aurrera, Bilboko Kafe Antzokian eskainiko duen kontzertua, internet bidezko euren irratian ere entzuteko aukera egongo da, www.radioghetto.com helbidean alegia. Serrano Produkzioek jakinarazi dutenez emanaldia zuzenean emitituko da "mundu guztirako". Horretaz gain, aldi berean, www.skalariak.com webguneko txatean parte hartu ahal izango dute entzuleek. 'Radio Ghetto' biraren barruan dago kontzertua.
  Politika 2003-11-14 16:35

Su-etena jarri du indarrean Korsikako Fronte Nazionalak

Erabiltzailearen aurpegia Ukberri Korsika Askatzeko Fronte Nazionalak (FLNC) "bere ekintza militarrak, denbora eta leku baldintzarik gabe bertan behera" gelditzen direla iragarri du, goizaldeko 3:00ak aldera, Korsikako gune menditsu batean egindako agerraldian. Datorren urteko martxoan Frantzian egingo diren hauteskundeei begira, alderdi abertzaleen batasun politikoaren prozesuari bultzada eman nahi diote. "Batasun estrategiko nazional baterako behin betiko baldintzak sortzeko betebeharra dugula konstziente gara", adierazi du FLNCko kide batek.
  Politika 2003-11-14 13:50

"Koroa iraintzeagatik" kereila jarri diete Deiako bi kazetariri

Erabiltzailearen aurpegia Ukberri Pasa den larunbateko 'Caduca Hoy' gehigarrian, Felipe Borboiko ezkontza iragarpenari buruzko umorezko artikulua argitaratzeagatik, kereila aurkeztu du 'Deia' egunkariaren aurka Espainako Auzitegi Nazionaleko fuskaltzak. "Koroa iraintzen" du artikuluak fiskaltzaren arabera, eta delitua dagoela uste du. Kereila aintzat hartu edo ez erabakitzeko, gehigarriaren ale bat eskatu dio EAEko Espainako Gobernuko Ordezkaritzari Guillermo Ruiz de Polanco epaileak.
  Politika 2003-11-14 13:49

Espetxeko funtzionarioek Kepa Saratxaga jipoitu zuten joan zen asteazkenean.

Erabiltzailearen aurpegia Ukberri Kepa Saratxaga Algortako preso politikoaren abokatua Soto del Real espetxera joan zen azaroaren 12an arratsaldeko 17:00etan berarekin egotera. Bisitan Kepak kontatu zion egun horretan bertan goizean jasotako jipoia eta geroko egoera. Bisitatik irten ondoren abokatuak salaketa jarri zuen El Colmenar-eko epaitegian.
  Iritzia 2003-11-14 00:47

Ni bolondres? Ez, eskerrik asko - Nahikari Ayo / Bertsolaritza irakaslea

Erabiltzailearen aurpegia Ukberri Askok dakite saltsa askotako perrexila naizela. Zerrenda luzea bota eta gero beti geratzen dira harrituta gauza berarekin: "Umeen monitora zara? Zu burutik sano zaude?" Oso sano nago, bai, eta ez naiz damutzen egiten dudanerakin.

Orain dela urtebete Algortatik buelta bat ematen nengoela, kartel bat ikusi nuen esanez begiraleak behar zirela Algortako Scout Taldean. Ez nuen birritan pentsatu eta eurengana jo nuen. Oso ondo hartu ninduten eta gaur egun han dihardut lanean oso gustora.
  Kultura 2003-11-14 00:39

Lehendabiziko diska aurkeztu du Elorrioko Lor taldeak

Erabiltzailearen aurpegia Ukberri Bilboko Kafe Antzokian gaur egindako agerraldian, GOR disketxearen eskutik atera duten lehendabiziko diska aurkeztu du Elorriotik datorren Lor musika talde gazteak. Rock melodiko garaikidea oinarri hartuz, gustu malgua erakusten dute, poparekiko zein metalarekiko joera tartekatuz. Letretan, berriz, Euskal Herriko egoeraren aurrean, inkonformismoa dute ardatz nagusi. "Guda-oihu" modura 'Sofa erosoak' kantua nabarmendu dute taldekideek: "Kontsumismoaren aurka, inkonformismoa bultzatu eta mugitzeko deia egiten diegu gazteei, abesti honen bitartez".

Guztira, 12 kantu osatzen dute diska, 'Kolore' izenekoan Su Ta Gar taldeko Aitor Gorosabelen kolaborazioa tartean dela. Besteak beste, Dummy (ahotsa, kitarra), Lander (kitarra), Kimetz (baxua) eta Ramiro (bateria) osatzen dute laukotea. Diska aurkezteko lehendabiziko kontzertua IAk, asteburu honetan, antolatu duen Ikasle Egunan emango dute.
  Politika 2003-11-13 22:26

'Prestige'-n urteurreneko ekintzetan parte hartzeko deia egin du EGIk

Erabiltzailearen aurpegia Ukberri Espainako Gobernuak hartunako "arduragabeko erabakien ondorioak" sufritzen ari diren herritarrei elkartasuna adierazteko, Prestige-n hondamendiaren urteurrena dela eta, plataforma ezberdinek antolatutako protesta ekintzetan parte hartzeko deia luzatu die erakundeko kideei Eusko Gaztedik. Bide batez, euren "esker ona" erakutsi diete Galizia, Asturias, Kantabria eta Euskal Herriko kostaldeen aberastasuna berreskuratzeko lanean diharduten plataforma guztiei.
  Ekonomia 2003-11-13 21:30

Gazteentzako lanpostuak sortzeko enpresa enkartegia jarriko dute Leioan

Erabiltzailearen aurpegia Ukberri Enpresek, teknologia zentroek eta erakunde akademikoek parte artuko duten foroa sortzeko asmoa iragarri du Bizkaiko Foru Aldundiak, gazteentzako lanpostuak sortzen arituko den enpresa elkartegia Leioan eraikitzeko asmoz. Horrela, lizentziatu berriei zein Bizkaitik kanpora lan bila joan behar izan dutenei eman nahi diete lanpostua. Leioako EHUko canpusaren alboan jarri nahi dute elkartegia.
  Jendartea 2003-11-13 21:04

Hirugarren Munduaren garapenerako 313 mila euro baino gehiago emango ditu Udalak

Erabiltzailearen aurpegia Ukberri Elkartasun esparru ezberdinetan lanean diharduten 21 gobernuz kanpoko erakunderi 313.413 euro ematea erabaki du Getxoko Udalak, euren egitasmoak garatu ahal izateko. Horrela, Hirugarren Munduaren garapenari lagundu nahi dio udal gobernuak. Imanol Landa Presidentzia arloko ardura daukan zinegotziak adierazi duenez, proiektuen jarraikortasuna eta getxotarrek horietan zein neurritaraino parte hartzen duten izan dira, egitasmo bat edo besteari dirulaguntza emateko irizpideak. Izan ere, 51 eskaera aurkeztu dira, guztira, aurten. Iaz baino 12 gehiago.
  Iritzia 2003-11-13 00:08

Gure etxe ondoko artea - Josu Landeta / irakaslea

Erabiltzailearen aurpegia Ukberri Getxoko Torrebarria aldea ezagutzen duenak, han bide bazterrean dagoen arte bat ezagutuko du, bere inguru osoan itzal fresko eta hezea ematen duena. Bide bazterrean halako oreka ziurgabe batean dago, egun batetik bestera zuhaitza jaustera eraman lezakeen oreka ziurgabea.
  Politika 2003-11-13 00:07

75 herriko taberna administratzaile judizialaren menpe beste 6 hilabetez

Erabiltzailearen aurpegia Ukberri 75 herriko taberna eta kultur elkarte adminstratzaile judizialaren menpe jartzea erabaki zuen joan den maiatzaren 9an Baltasar Garzon Espainiako Auzitegi Nazionaleko epaileak. Neurri hori beste sei hilabetez luzatzea erabaki du orain.

Espaniako Efe albiste agentziak iturri judizialak aipatuz jakinarazi duenez, maiatzetik orain arte herriko taberna eta elkarte horien egoera kontableari buruzko informazioa jasotzera mugatu du bere lana, eta ez du oraindik bestelako kudeaketa neurririk aurrera eraman.

Iturri horien arabera, Garzonek herriko tabernen inguruan har zezakeen neurririk "arinena" da administratzaile judiziala ezartzea, "enplegatuei lanpostuari eusteko aukera ematen baitie". Herrik tabernak eta gainerako elkarteak ETArekin lotzen ditu Garzonek.

  Politika 2003-11-12 23:51

Atutxa, Knörr eta Bilbaoren helegitea atzera bota du Auzitegi Gorenak

Erabiltzailearen aurpegia Ukberri Juan Mari Atutxa (EAJ) , Gorka Knörr (EA) eta Kontxi Bilbao (EB-IU) Lebiltzarreko Mahaiko kideen aurka aurkeztutako kereila aintzat hartu edo ez erabaki behar zuen EAEko Auzitegi Nagusiko Desadostasun Aretoaren inguruan Espainiako Botere Judizialeko Kontseiluak (CGPJ) hartutako erabakia babestu du Espainiako Auzitegi Gorenak. Horrenbestez, Atutxak, Knörrek eta Bilbaok erabaki horren kontra aurkeztutako helegitea atzera bota du.
  Politika 2003-11-12 23:26

Elkarrizketa "oztopaezina" dela adierazi du Elkarrik

Erabiltzailearen aurpegia Ukberri Gorka Espiauk jakinarazi duenez, Ibarretxe planaren eztabaida prozesuaren azterketa egin du Elkarrik. Ondorio nagusi bezala, elkarrizketa "oztopaezina" adierazi du. Horretaz gain, Legebiltzarrean eta Nafarroako Gobernuaren testuinguruan, alderdi guztiak batuko lituzkeen bi foro eratzeko asmoa iragarri dute. Beste alde batetik, Europako Eskualdeen Batzarrak Europako Konstituzio proiektuaren inguruan onartu duen deklarazioa eta Jaurlaritzaren estatutu berri proposamena bat datozela adierazi du gaur Ibarretxek.
  Politika 2003-11-12 22:32

Nasiriyan 18 italiar eta hainbat irakiar hil ditu ekintzaile suizida batek

Erabiltzailearen aurpegia Ukberri Italiako Gobernuko iturriek jakinarazi dutenez, hemezortzi dira Irak hegoaldeko Nasiriya hirian, izan den atentatu suizidan hildako italiarrak; hamazazpi militar eta zibil bat. Era berean, hainbat irakiar ere hil ditu eztandak, baina haien kopuru zehatzari buruzko adostasunik ez dago iturrien artean: Mendebaldeko agentzien arabera, 8 dira zendutako irakiarrak; Quatargo Al Jazeera telebistaren arabera, ordea, gutxienez, 30. Irakeko erietxeetako iturriek agertu dutenez, guztira 28 dira hildakoak, baina kopuruak gora egin dezakeela ohartarazi dute.