Iritzia 2003-12-31 20:16

Uribe Kosta, uri kosta ahala kosta - Christian Reinicke / Getxo Bizia-ko kide

Erabiltzailearen aurpegia Ukberri Jada ez gaitu ezerk harritzen. Qualityz eta geruza berdez jantzita datoz diskurtso, proiektu eta plangintza oro, baina xaboi eta baselina gehiago ala gutxiagorekin Uribe Kosta Bilbao metropoliaren sukurtsal erresidentziala bilakatzen ari da. Nork, zerk, nola, zergatik herri desberdinez osaturiko eskualdea metropoliaren hiri erresidentziala bilaka arazi?
  Politika 2003-12-31 20:10

Udal aurrekontuak erretira ditzatela eskatzeko, astelehenean amaituko da epea

Erabiltzailearen aurpegia Ukberri Azaroaren 28ko udalbatzan, 2004ko udal aurrekontuen behin-behineko onarpenaren aurrean, erreklamazio ereduak (pdf) prestatu ditu Getxo Biziak. Plataformako kideek adierazi dutenez, jada 42 pertsonek sinatu eta aurkeztu dute erreklamazio hau udal erregistroan. Datorren astelehenean, urtarrilaren 5ean, agortuko da aurkezteko epea. Udal aurrekontuen behin behineko onarpena baliogabea dela aldarrikatu eta aipatu aurrekontuak erretira daitezela eskatzen dute. Erreklamazio hauen bidez, bilkura horretako eztabaida eta bozketa oro "zilegitasunik gabekoa" dela salatu nahi dute Getxo Biziko kideek, udalbatzarra maiatzaren 25eko hauteskundeetan herritarrek bozkatutakoaren arabera osatuta ez dagoela adieraziz.
  Jendartea 2003-12-31 19:10

Beste 15 kilo piroteknia-material atzeman ditu Udaltzaingoak

Erabiltzailearen aurpegia Ukberri Beste 15 kilo piroteknia-material atzeman zituen atzo, astearte arratsaldean, Algortako saltoki batetan, Getxoko Udaltzaingoak. Areetan, astelehenean harrapatutakoarekin batera, 40 kilo petardo atzeman dituzte jada. Bigarren hau Bolue enparantzan kokatuta dagoen denda batetan gertatu zen, auzokideen kexak jaso eta gero, Udaltzaingoak bertara jo zuenean.
  Hezkuntza 2003-12-30 22:25

Legebiltzarrak atzera bota du Unibertsitaterako lege proiektua

Erabiltzailearen aurpegia Ukberri SAk, PPk eta PSEk aurka bozkatu dute; hala ere, hirukoak ekimena lege proposamen bezala bideratzeko eskaera aurkeztu du porrot egin eta berehala, "2004. urtean bertan legea izan dadin"

Ezustekorik ez zen izan eta Eusko Legebiltzarreko osoko bilkurak atzera bota zuen atzo Unibertsitaterako lege proiektua. Izan ere, Sozialista Abertzaleek (SA), PPk eta PSE-EEk legearen testuaren nahiz EAJ, EA eta IU-EBren zuzenketen aurka bozkatu zuten; alabaina, porrota gertatu eta minutu gutxi batzuk igarota, hirukoak Eusko Legebiltzarrean bertan ekimena aurkeztu zuen lege proiektua lege proposamen moduan bideratzeko. Lege proposamenak testu osoa izango luke, hots, oposizioko hiru taldeen zuzenketak barne. Hirukoaren ustea da era horretara onartu ahal izango duela legea, SAren laguntzarekin, eta PPren zein PSE-EErena ere baduela argudiatuz.

Jarraitu
  Jendartea 2003-12-30 21:17

Mungiarako autobusa Gabonzaharrean

Erabiltzailearen aurpegia Ukberri Udalerritik Mungiarako doako autobusa antolatu du Gabonzaharrerako Plentziako Talde Independienteak. Horrela, gazteek bertara joateko kotxea erabil dezaten saihestu nahi dute. Irteera untzitegitik izango da goizaldeko ordu batetan, eta itzulera, berriz, goizeko zortzietan.
  Jendartea 2003-12-30 20:35

Udaltzaingoak 25 kilo piroteknia-material atzeman ditu Areetako saltoki batetan

Erabiltzailearen aurpegia Ukberri Getxoko Udaltzaingoak 25 bat kilo prioteknia-material atzeman zituen atzo, abenduak 29, Areeta auzoko saltoki batetan. Udal poliziako iturriek aditzera eman dutenez, atzemandako materiala petardo, suziri eta antzekoez osatua zegoen. Honen atzematea, Gabon garaian piroteknia gaiak sal ditzaketen lokal eta saltokietan Udaltzaingoak egin ohi dituen ikuskatze operazioen baitan kokatzen da.
  Jendartea 2003-12-30 20:06

Uribe Kostako Korridoreko obrak urrian

Erabiltzailearen aurpegia Ukberri Bizkaiko Foru Aldundiak jakitera eman duenez, 2004ko urrian hasiko dira Uribe Kostako Korridoreko hurrengo tartea eraikitzeko lanak. Berangoko Mimenaga auzoa eta Sopelana lotuko ditu zati berri honeki, eta bi kilometro inguruko luzeera edukiko du errepideak. Gainera, teknikoki, konplexutasun handikoak izango omen dira lanak, hasteko, aldapa jarri behar dutelako Mimenagako errotonda parean. Horren adibide, beharko dituzten 36.799.293 euro.
  Jendartea 2003-12-30 20:06

Erandioko etxebizitzatan lapurtzen zebilelakoan, gazte bat atxilotu dute Leioan

Erabiltzailearen aurpegia Ukberri Mutil bat atxilotu dute goizaldean Leioan, ustez, Erandioko etxebizitza batzuetan sartzen saiatzeagatik lapurtzeko. Ertzaintzak jakitera eman duenez, etxeetatik hurbil dagoen enpresa batetako bulego barruan atzeman zuten agenteek F.E.S. 24 urteko leioaztarra.
  Jendartea 2003-12-29 19:46

San Bartolome auzoa oinezkoentzat egokituko dute

Erabiltzailearen aurpegia Ukberri Leioako San Bartolome auzoko "garapenerako egitasmoei amaiera emateko", azpiegitura hobeagoak eta oinezkoentzako gune berriak egingo dituzte. Besteak beste, gaur egun erortzear dauden Oblatuen eliza eta Bizkaia geriatrikoa botako dituzte. "Jabeen eta udal arduradunen arteko negoziazioei esker, horiek bota eta aisialdirako gunea jarriko da bertan", Karmelo Sáinz de la Maza alkateak adierazi duenez. Auzoak hezkuntza eta kultura eskaintza zabalagoa ere edukitzea nahi dute.
  Kultura 2003-12-29 17:36

Makilajeak bihar Barrikako liburutegian

Erabiltzailearen aurpegia Ukberri 'Gabonetan ere, euskaraz irakurriz gozatu' lelopean Barrikako Udal Liburutegiak Gabonetarako antolatu duen egitarauaren barruan, makilajeak egingo dituzte abenduaren 30an, beste hainbat ekintzeekin batera. 11:30ean hasi eta 13:30ean amaituko dira tailerrak, liburutegian.
  Kultura 2003-12-29 17:18

Haurrentzako Gabonetako Parkea gaur eta bihar Sopelan

Erabiltzailearen aurpegia Ukberri Gaur eta bihar Haurrentzako Gabonetako Parkea egongo da zabalik Sopelako Urko Kiroldegian, haurrentzako eta gazteentzako hainbat jarduerekin: puzgarriak, ludoteka, eskulanetako tailerrak, zezen mekanikoa, play station, dardoak, scalextric... Goizez, 11:00etatik 14:00etara; eta arratsaldez, 17:00etatik 20:00etara izango da ordutegia. Sarrera dohainik.

Horretaz gain, abenduaren 29an (gaur), 20:30etatik aurrera, haur eta gazteentzako diskoteka jarriko dute Urkon bertan. Abenduaren 30an (bihar), berriz, Noisy Nights taldeak urte bukaera festa eskainiko du, leku eta ordu berean.
  Jendartea 2003-12-29 16:44

Gazte bat zauritua Erandion bere kotxea iraultzeagatik

Erabiltzailearen aurpegia Ukberri Etzaintzak jakitera eman duenez, A.M.D. izeneko mutil gaztea zauritua gertatu zen atzo Erandion, bera gidatzen ari zen kotxea errepidetik irten eta irauli egin zenean.

Goizean, 7:30ak baino apurtxo bat lehenago gertatu zen auto-istripua, N-637 errepidean, Getxorako norabidean. Oraindik zergatik ez dakitela, Bilboko matrikula zeukan Seat Ibiza galtzadatik atera, eta erdibitzailearen kontra jo ondoren, irauli egin zen.
  Jendartea 2003-12-28 21:31

Bertsio ofiziala, bertsio erreala?

Erabiltzailearen aurpegia Ukberri Tamalgarria da gaur egun hedabideek jendearen pentsamoldean duten gehiegizko eragina. Hiritarrek ikusentzunezkoen bidez jasotako informazio guztia, eta are zuzenago telebistaren bidez jasotakoa, testualki irentsi egiten dute, hau lehenik prozesatu barik. Baina, zer nolako sinesgarritasun maila dute informazio horiek? Benetakoak al dira trasmititutako datu guztiak?

Adibide zehatz batekin aztertu dezagun gaia: Joan den urriko 13an, Burgoseko Medina de Pomar herrian gertakari penagarria eman zen. Asteburu hartan herriko jaiak ospatzen ziren eta Bilboko eta Medina inguruetako auzokideak bertara abiatu ziren festarako gogoz. Haietariko batek, F.J.L.M, hogeita lau urteko gaztea, Bilboko San Adrián auzokoa, heriotza aurkitu zuen ustez dibertsioa eskeiniko zion gau hartan. Larunbateko gaua zen eta herriko diskotekarik ospetsuenean zebilen jendea gaueko azken minutuak aprobetxatu nahian. Bat-batean bi gazteren artean hasitako eztabaida diskotekaren ateko burrukan amaitu zuen.
  Iritzia 2003-12-27 16:01

Gabonetan dirua botaka

Erabiltzailearen aurpegia Ukberri Inazio Etxebarria 'Guzurti'

Abendua oso hilabete txarra da. Hasteko, inoiz baino diru gehiago gastatzen dugu loterian gabonetako gastuak egiteko. Beste alde batetik, diru extra gastatzen dugu bazkari eta afari bereziak egiten eta, azken finean, ez dute ezertarako balio. Abenduaren 24an eta urtarrilaren 5ean ere umeak pozteko beste guztia gastatzen dugu, eta guretzat zer? Ondorioz, urtarrila heltzen da eta itota gabiltza, eta beherapenetara joatea pentsatzen dugu; baina, gugan baino, gehiago pentsatu beharko litzateke Hirugarren Munduan.
  Kirolak 2003-12-26 22:06

Dena prest euskal futboleko jaialdi handirako

Erabiltzailearen aurpegia Ukberri Dena dago prest bihar Euskal Selekzioak Uruguayen aurka jokatuko duen partidarako. Sarrera guztiak ia agorturik daude jada, San Mames bete-betea egongo den seinale, euskal futbolaren jaialdi handia ospatzeko.

Gainera, urtero legez, Ibilaldia ere bere lekua edukiko du berdegunean. Aurten, Sopelako Ander Deuna eta Leioako Betiko ikastoletako haurrek ikuskizun paregabea antolatu dute biharko, partida hasi aurretik.
  Jendartea 2003-12-26 21:17

Etxe batetako trastelekuetan lapurtzen saiatzeagatik gizon bat atxilotu dute

Erabiltzailearen aurpegia Ukberri Santurtziko 29 urteko gaztea atxilotu zuen atzo Ertzaintzak, ustez, Neguri auzoko etxebizitza batetako trastelekuetan lapurtzen saiatzeagatik. Eusko Jaurlaritzako Barne Sailak gaur jakitera eman duenez, etxe horretako bizilagunek lapurra atzeman eta polizia agenteak bertara heldu arte eduki zuten.
  Jendartea 2003-12-26 21:16

Kultura Udal Kontseiluko araudia onartu dute

Erabiltzailearen aurpegia Ukberri Kultura Kontseiluko araudia onartu zuen, asteazkenean egindako osoko bilkuran, Erandioko Udalak. Erakunde honetan, udalerriko kultura, gizarte eta kirol elkarteek edukiko dute parte hartzeko aukera eta, hauek dauzkaten beharrak eta antolatzen dituzten ekintzak arautzea izango du helburu.
  Kultura 2003-12-26 20:13

Haur Parkea Berangon asteburu honetan

Erabiltzailearen aurpegia Ukberri Abenduaren 27an eta 28an Haur Parkea zabalduko dute Berangoko pilotalekuan. Bertan, Santa Fe trena, ludoteka, zezen mekanikoa eta tailerrak egongo dira goizez, 11:30etatik 14:00etara; eta arratsaldez, 17:00etatik 19:00etara. Igandean ere 'Patxin eta Potxin' pailasoak egongo dira, 19:00etatik aurrera. Dohainik da sarrera.
  Kirolak 2003-12-26 20:12

Gorlizko VIII Derby Hipikoa ospatuko da igandean

Erabiltzailearen aurpegia Ukberri Udalerriko VIII Derby Hipikoa egingo da abenduaren 28an, 12:30etik aurrera, Gorlizko badian. Urtean zehar Kantauriko kostaldeko hondartzetan ospatzen diren zaldi-lasterketen artean, garrantzitsuenetarikoa bilakatu da honako hau. Gainera, aurten, berrikuntzak egongo dira: 'arraza gurutzatu' eta 'odol garbiko' zaldi-lasterketak hasi bitartean, txikienek ponien gainean ibilbidea egiteko aukera izango dute, 11:00etatik aurrera.
  Kultura 2003-12-26 20:12

Ipuin kontalaria bihar Gorlizko erakustaretoan

Erabiltzailearen aurpegia Ukberri Jose Maria Carrerek ipuin kontalari saioa eskainiko du abenduaren 27an, 18:30etik aurrera, Gorlizko Udal Erakustaretoan. Beste alde batetik, pintura, eskulanak eta zeramika tailerrak antolatu dituzte Kultur Etxean udalerriko umeentzat. Hauek goizean egingo dira, 11:00etatik 13:00etara.