Astelehena, urriak 16
Egur-taila tailerra
Algortako Aldai Patronatuan, GetxoAstelehenero lagun talde bat bildu ohi gara egurra lantzeko, 2015eko urrian elkartzen hasi ginen. 2017an ere tailerrean lanean aritu nahi dugulako izen ematea zabalik dugu! Urrian Juan Ramon Muelak gidatuko du taldea egurra lantzeko teknika ezberdinak irakatsiz. Gainerako hilabeteetan Juanra hilean behin etorriko da eta gainontzeko egunetan autoikaskuntzan ibiliko gara, elkarri laguntzen. Aditua zein hasiberria bazara lekua izango duzu gure taldean. Egurra lantzeko materiala, eta lehenengo egur zatia, elkarteak jarriko ditu. Urriaren 12ra arte izena eman dezakezu. NON: Aldai patronatuan (Itxasgane). Karitate kalea 1, behea NOIZ: urriaren 16tik urtarrilaren 29ra, astelehenero, 17:30-20:30 PREZIOA: 90€ // Berbalaguna edo Bizarra Lepoan Euskara elkarteko kidea bazara 60€ Izena emateko: egizugetxo@gmail.com edo 619 935 541 **Ordainketa EGIZU elkartearen kontu korronte-zenbakian egin behar da , norberaren izen-abizenak adierazita. Laboral Kutxa 3035 0067 66 0670062588.
Berbalagunon Afaria
Azebarri Kultur Elkartean, GetxoBerbalagun taldeak martxan jarrita gure ohiko ikasturte hasierako afaria antolatuko dugu azaroaren 16an, osteguna, Azebarri Kultur Elkartean. 19:30ean lotuko gara eta taldeka mahai-jolas ezberdinetan arituko gara. 20:30ean jolasak jaso eta elkarlanean mahaia prestatuko dugu 21:00etarako afaltzen hasteko. Noiz: azaroan 16, osteguna, 19:30ean Non: Azebarri Kultur Elkartean Prezioa: 15€ Menua zehazten gabiltza eta inguruko baserritarrek ekoiztutako produktuak erabiliko ditugu. Jakien eskaera aldez aurretik egin behar dugunez eskertuko genizueke izena eman ahala ordainketa egitea. Sukaldari-laguntzaile bila gabiltza, beraz, laguntzeko prest bazaudete esaguzue Izena emateko: egizugetxo@gmail.com // 619 935 541 (Garazi) // 622 433 085 (Eider)
Getxoko Ingurumen Aretoaren urriko egitaraua
Ingurumen Aretoa, Getxo | BestelakoakUdagoienean bete-betean sartuta gaudela, urriko egitaraua prestatu du Getxoko Ingurumen Aretoak. Hala, hilaren akabura bitartean, eskulanak, tailerrak eta erakusketak egongo dira, besteak beste. Saio denak doakoak izango dira.
