Berangoko Liburutruk Kultur Elkarteak inguruko sortzaileak ezagutzeko, ideiak trukatzeko eta ekintzak antolatzeko topaketa antolatu du datorren otsailaren 24rako.
Marrazki bizidunetako askotariko pertsonaiez beteko da zapatuan Plentziako erdigunea. Izan ere, X. Inauteri Tematikoak ospatuko dituzte hiribilduan; egun osoko egitaraua prestatu dute horretarako, 13:00etatik hasita.
Bihar, zapatuan, Leioako Emakumeak eta Bizkerre futbol-taldeek Euskal Ligako derbia jokatuko dute, Sarrienan, 18:00etatik aurrera.
Euren zortzigarren diskoa aurkezteko, gutxienez, urte biko bira egingo dute Europa osoan eta Amerikan zehar; lehenengo kontzertua Areetako Andrés Isasi musika-eskolan egingo dute, zapatu honetan, otsailaren 24an, Neguko Bidaia zikloaren barruan. Hitzordua 19:00etan ipini dute eta sarrerak 5 euroan egongo dira.
Martxoaren 18ra arte, Marta Zelaia Aranbaltza (Urduliz, 1962) sortzailearen "Sokatira 2014-2017" erakusketa ikusbide izango da Bilboko Rekalde Aretoan. Urduliztarragaz batera, bost artista gaztek parte hartuko dute Bizkaiko Foru Aldundiak sustatutako Barriek 2018 egitasmoan.
Unai Endemañoren "Rock & roses" argazki-erakusketa otsailaren 28ra arte ikusbide izango da, Sopelako Kurtzio kultur etxean; sarrera, doan.