Igandea, ekainak 29
09:30
17:30
Etzandarri Mendi Taldeak mendi irteera antolatu du Baltzola eta Garaioko kobazuloetara
Armintzako autobus geltokia, Lemoiz | Irteerak eta txangoakDomeka honetan, ekainaren 29an, Etzandarri mendi talde lemoiztarrak doako txangoa antolatu du Baltzola kobazuloetara eta Garaiora (574 m). Irteera heldu zein adingabeentzat zuzenduta dago, zailtasun gutxikoa izango delako. Lemoizko Udalak mendi irteera honetan autobus bat kontratatzen lagundu du. Armintzako autobus geltokitik 09:30ean abiatuko da eta arrastian iritsiko da berriro ere herrira, irteera amaitutakoan, 17:30ak aldera.
08:30
Sopelako San Pedro jaien egitaraua
Sopela, Sopela | JaiakSopelako jaiak inoiz baino hurbilago daude: ekainaren 26tik 29ra herri osoa batuko da udari festa eta aldarrikapen giroan hasiera emateko. Hona hemen txosna-batzordeko eta Udaleko egitarauak, oso-osorik. Gorde indarrak jai-egun zoroetarako!
20:00
Gorlizko Aratz Dantza Taldeak 45. urteurrena ospatuko du aste-akabu honetan!
Ibarreta plaza, Gorliz | BestelakoakAzkenean heldu da Gorlizko Aratz Dantza Taldeko datarik garrantzitsuena: aste-akabu honetan euren 45 urteak ospatuko dituzte! Urteurrena jai giroan gozatzeko asmoz, ekainaren 28an, zapatu honetan, dantzaldi eta erromeria bat egingo dute. Gainera, egun berezi hori San Pedro egun bereziagaz ere elkartuko da. Hala, 29an, domekan, dantzaldia, sardinada eta zezensuzkoa ere egongo da San Pedro Plazan.
