Asteazkena, azaroak 19

08:00

Erakusketa: "Kontserbagileak"

Erakusketa honek kontserbagileen lanbidea nabarmentzen du, XVI. mendetik hona portuetako lonjetan arraina eraldatzen jardun duten emakumeak. Emakumeak, beren indar, kemen eta erabakitasunarekin, mendeetan zehar, jakin gabe, Bizkaiko garapen ekonomikoaren funtsezko pieza bihurtu ziren, nahiz eta beren lana, beste lanbide batzuetan bezala, emakumeek zeregin erabakigarria izan zuten, luzaroan ikusezin bihurtua.

10:00

Getxoarte 2025: "Apurtu", Eider Morenoren erakusketa

Eider Morenoren Apurtu argazki-proiektuak Lemoizko zentral nuklearraren irekierak 70-80ko hamarkadetan sortu zuen gatazka sozialean sakontzea du helburu, indarkeria sozialeko ekintzak eta paisaian oraindik irauten duen azpiegitura bat eraikitzeak ekarri zuen indarkeria naturala kontrajarriz. Artxibo historiko-fotografikoa eta memoria erreferentzia nagusitzat hartuta, sortzaileak ibilbide bisuala proposatzen du, gaiak eskatzen dituen konplexutasunari eta sentsibilitateari aurre egiteko erronka duena. Horretarako, apurtutako irudia erabiltzen du, pixelatua, haustura eta proportzionaltasun eza erakusteko gai dena, indarkerien arteko konfrontazioa azpimarratzeko balio duena.

11:00

La Basu rap abeslariagaz tailerra

La Basu rap abeslariak emakumeentzako rap tailerra eskainiko du azaroan, Algortako Abian Kultur Elkartean. Saioak azaroaren 8, 9, 29 eta 30ean izango dira, 11:00etatik 13:00etara, eta sormen kolektiborako gune bat izatea dute helburu. Parte-hartzaileek euren bizipenak, borrokak eta ametsak abiapuntu hartuta, ahotsa eta hitza adierazpide artistiko eta sozial bihurtzeko aukera izango dute.

15:00

Gris gutxiago, kolore gehiago

"Gris gutxiago, kolore gehiago" lelopean, urriaren 27tik azaroaren 29ra bitartean, Mankomunitateko zazpi udalerrietan jarduera eta tailer ugari egingo dituzte, kontsumo arduratsua eta birziklapena sustatzeko.

18:00

Emakumeen Kontrako Indarkeria Desagerrarazteko Nazioarteko Eguna

Erandioko Udalak eta herriko mugimendu feministak emakumeen kontrako indarkeria desagerrarazteko egunaren inguruko jarduera programa zabal eta anitza programatu dute. Ekitaldiak azaroaren 11tik aurrera egingo dituzte, helburu argi bategaz: indarkeria matxistaren aurka herritarren kontzientzia eta parte-hartzea indartzea.