Igandea, otsailak 15

11:00

Bisita gidatuak: "Plentziatik mundura"

"Plentziatik mundura" aldi-baterako erakusketa zabalik jarraitzen du eta aukera paregabea da plentziarren istorioak ezagutzeko: merkataritzak eta jakin-minak bultzatuta, plentzitarrak mundu ezagunetik haratago ausartu ziren, gure herria munduko txoko urrunekin lotuz. Eman izena Plentziako turismo bulegoan.

12:00

Gorlizko inautertiak

Gorliz prest dago 2026ko Inauteriak ospatzeko, eta otsailaren 13tik 15era bitartean herria musikaz, gastronomiaz eta jai-giroz beteko duen programazio zabala aurkeztu dute daborduko. Aurtengo edizioak arrosa kolorea izango du ardatz, iaz hasitako kolore-tematikari jarraipena emanez. 

17:30

Lemoizko inauteriak

Lemoizen otsailaren 14an eta 15ean ospatuko dituzte inauteriak, musika, txokolatea eta mozorroak ardatz izango dituen aste-akabuko egitarauagaz. Udalak herritar guztiak animatu ditu jai-giroan parte hartzera eta mozorroak jantzita frontoia eta kultur gela kolorez betetzera.

18:00

Erandioko inauterietarako prest?

Otsailaren 13, 14 eta 15ean ospatuko dira aurtengo Erandioko inauteriak, eta herria jai giroz beteko da. Egunotan zehar askotariko jarduerak prestatu dira: mozorroak, kale animazioa, ikuskizunak eta topagune dibertigarriak adin guztientzat. Begiratu egitaraua eta antolatu zure plana!

18:00

Barrikako inauteriak

Otsaila heltzeagaz batera, inauterien giroak Barrika hartu du, eta daborduko prest dago barrikoztarrak hilaren 13an eta 15 elkartuko dituen programa. Aurten, azoka, umeentzako tailerrak eta ohiko torrada lehiaketa izango dituzte, besteak beste.

20:00

Sopelako inauteriak

Sopelako kaleak inauteri-giroz beteko dituzte hilaren 13tik 17ra bitartean, Urgietxeta plazan. Umorezko ikuskizunak, azoka, maskarada, txaranga eta mozorro-lehiaketa izango dira egitarauaren ardatz nagusiak, publiko guztientzako proposamenakaz.