Getxoko Udalak Algortako Merkatuan GauEgun Gazteleku berria egiteko obrak esleitu ditu
urr 14, 15:17 Getxo
Getxoko Udalak azaldu duenez, Algortako Merkatuan GauEgun Gazteleku berria egokitzeko obrak Horlasa Construcción y Servicios enpresari esleitu dizkio, 671.180,67 euroan. Lanek sei hilabeteko iraupena izango dute, eta Kantxa Kirol Moda saltoki zaharraren lokalean 270 metro koadroko espazio berria sortuko dute, 11 eta 17 urte arteko 40 bat gazterentzako edukieragaz.
Uribe Kostako musika-eskolen doinuak Urdulizko ospitalera heldu dira
urr 14, 15:02 Uribe Kosta
Osakidetzak bultzatutako ekimenak Soinuak du izena, eta Uribe eskualdeko musika-eskoletako ikasleen aldizkako kontzertuak Urdulizko Alfredo Espinosa Ospitalera hurbiltzen ditu. Helburua pazienteak eta senideak zaurgarritasun-uneetan laguntzea, ospitaleko egonaldia atseginago egitea eta une batez gaixotasunetik edo tratamendutik arreta aldentzea da.
