Uribe Kostako komunikazio taldea
  Ekonomia  Getxo 2016-12-02 18:06

Getxo udalerri pilotua izango da Bizkaia Digital Market plataforma digitala martxan jartzen

Bizkaiko Merkataritzako Enpresarien Kontseiluaren (CECOBI), Getxolan eta Bizkaiko Foru Aldundiaren Ekonomia eta Lurralde Garapena Sustatzeko Sailak martxan jarri dute Bizkaia Digital Market merkataritza elektronikoaren plataforma. Horren esperientzia pilotua Getxo udalerriko establezimendu batzuekaz batera hasi da. Udalak CECOBIri 33.000 euroko diru-laguntza eman dio ekimen hori aurrera eramateko.

  Kirolak  Getxo 2016-12-02 17:40

Gabonetako kirol campusetan izena eman daiteke daborduko

Getxo udalerriko hainbat kirol elkartek 16 campus eskainiko dituzte Gabonetan, honako modalitate hauetan: gimnastika erritmikoa, askotariko kirola, saskibaloia, igeriketa, tenisa, futbola, irristaketa, boleibola, skate, jiu-jitsu eta xakea. Campusek Getxo Kirolak udal erakundearen babesa dute.

 Uribe Kosta 2016-12-02 13:49

Hizkuntza Eskubideak Bermatzeko Protokoloaren gainean berba egin du Koldo Tellituk

Koldo Tellitu, Ikastolen elkarteko lehendakaria, abenduaren 17an Donostian aurkeztuko den Donostiako Protokoloari buruz: "Hizkuntza Eskubideak Bermatzeko Protokoloa da Kontseiluak orain arte aurrera eraman duen nazioarteko ekimen garrantzitsuena". Euskararen Kontseiluak egin du bideoa.

  Kultura  Getxo 2016-12-02 14:29

Iker Goñi: "Urteko egun guztietan ospatzen dugu Euskararen Eguna"

Iker Rincon Moreno

Iker, Mikel eta Alaitz Goñi neba-arrebek 9 urte daroatzate GetxoGaso gasolindegiaren zuzendaritzan. Argia Ereiten Euskara Saria jasoko zuten atzo, eguenean.

  Kultura  Leioa 2016-12-02 12:33

Euskaraz gozatzeko hamaika aukera Leioan

Euskararen Nazioarteko Eguna abenduaren 3an bada ere, Leioa joan den azaroaren 29tik dago euskarari gorazarre egiteko ekitaldietan buru-belarri murgilduta. Halere, oraindino ere badago zer gozatzerik euskara bultzatzeko eta omentzeko. Hala, abenduaren 3an, zapatuan, hainbat ekimen egongo dira leioaztar guztiei begirakoak.

  Kultura  Getxo 2016-12-02 12:03

Bosteko 2016 erakusketa ibiltaria Getxora iritsi da

Bosteko 2016 erakusketa ibiltaria Algortan ikusgai izango da hil honetan. Bihar, zapatua, hasi eta abenduaren 30era bitartean Torrene aretoan kokatuko da. Beste lau udalerri bisitatu ostean, Getxon amaituko da erakusketaren hemeretzigarren edizioa.

  Kultura  Getxo  Uribe Kosta 2016-12-02 11:00

Paul Bilbao Sarria: "Bada garaia epeak ipintzeko normalizazioari"

Iñigo Fernandez de Martikorena

Paul Bilbao Sarria euskaltzale algortarra Euskararen Gizarte Erakundeen Kontseiluaren idazkari nagusia da 2010etik. Hori baino lehen, Hizkuntz Eskubideen Behatokian jardun zuen beharrean. Euskalgintzako eragile bietan eskarmentu handia metatu du euskararen normalizazio-prozesuaren gainean. Euskararen Nazioarteko Egunaren aurretik, bere ikuspegia eman digu Donostiako Protokoloaren, Udal Legearen eta EAEko hauteskundeen inguruan.

  Politika  Barrika 2016-12-02 11:30

Diru publikoaren erabilera arduratsua exijitu dio Barrikako EH Bilduk EAJri

EAEko Justizia Auzitegi Gorenak ebatzi berri du Barrikako Udalak (EAJ) eta Bizkaiko Foru Aldundiak era ilegalean txaletak eta Babes Ofizialeko Etxebizitzak egin dituztela babestutako kostako espazio batean. Horren harira, EH Bilduk salatu duenez, "enegarrenez agerian uzten da EAJren kudeaketak inongo eskrupulurik gabe bere interes pribatuak lehenesten dituela, interes publikoaren gainetik, baita horretarako irregulartasunak egin behar baditu ere".

  Kultura  Uribe Kosta 2016-12-02 10:00

Durangoko Azoka, zabalik!

Gaur hasi eta abenduaren 6ra arte luzatuko da Durangoko Azokaren 51. edizioa, ohi baino egun batzuk lehenago. 349 nobedade, 246 erakusmahai, eta 200 ekitalditik gora, Landakon. Azken hiru hamarkadetako Azoka goiztiarrena izango da aurtengoa: abenduaren 2tik 6ra bitartekoa. 349 nobedade, 246 erakusmahai eta 200 ekitaldi baino gehiago programatu dituzte. Gainera, 25. Argizaiola sariak banatuko dira: euskararen eta euskal kulturaren alde lan egin duten inurriei gorazarre egingo diete, abenduaren 3an. Akorduan izan, aurton ere, aparkalekuetatik azokaraino autobus-zerbitzua egongo dela.

Bilboko Ospetsu izendatu dute Xabier Kintana euskaltzain erandioztarra

Xabier Kintana Urtiaga euskaltzain erandioztarra Bilboko Ospetsu izendatu du aurten Bilboko Udalak, Juan Mari Aburto alkateak berak jakinarazi duenez. Bilboko Udalak, sari horren bitartez, euren ibilbidean hiriaren izen ona zabaldu duten pertsona edo erakundeen lana saritzen ohi du.

  Jendartea  Erandio 2016-12-01 19:17

Beira birziklatzearen garrantzia azpimarratzeko saio bana egingo dute Astrabuduan eta Altzagan

Erandioztarrek beirazko ontzi-hondakinak birzikla ditzaten konbentzitzeko asmoz, Udalak sentsibilizazio-jarduerak egingo ditu zapatuan eta astelehenean, Astrabuduan eta Altzagan, hurrenez hurren. Ekimen horietan, Ecovidrioren laguntza izango du, beirazko ontzi-hondakinen gestioaz arduratzen den dirua irabazteko asmorik gabeko entitatea, alegia.

  Kultura  Sopela 2016-12-01 17:30

Txakurren ustezko pozoitze-kasu bi detektatu dira Sopelan

Sopelako Udalak jakinarazi duenez, intoxikazio-sintomak zeuzkaten txakur bi artatu behar izan zituzten azaroaren 29an, ustez, arroza eta oilasko hondarrakaz nahastutako substantzia urdin bat (barraskiloentzako pozoia, dirudienez) irentsi ostean. Antza, balearen parkean zebiltzanean hartu zituzten janari-hondarrak txakurrek.

 Leioa 2016-12-01 17:13

Leioa Blog Lehiaketaren bigarren edizioko sariak, banatuta

Leioa Blog Lehiaketan, herriko 30 blogger, instagramer eta youtuber baino gehiagok parte hartu dute, Udalak jakinarazi duenez. Parte-hartzaileen argitalpenei esker, Udala, "100.000 pertsona ingururengana heldu" da interneten. Lehiaketaren bidez, "Leioa, eta bertoko merkataritza eta ostalaritza ehundura interneten kokatu dira".

  Politika  Sopela  Uribe Kosta 2016-12-02 13:56

Herri-galdeketari buruz hausnartuko dute gaur Sopelan

Galdera erabakitzeko fasean bete-betean murgilduta dago ADOS Uribe Kostako erabakitzeko eskubidearen aldeko dinamika. Hori dela-eta, Barrika, Sopela eta Urdulizeko bizilagunentzako aurkezpen ekitaldia egingo dute gaur, 19:00etan, Sopelako Kurtzio kultur etxean.

  Jendartea  Getxo 2016-12-02 12:30

Gaur piztuko dituzte Getxoko Gabonetako argiak

Gaur, barikuan, piztuko dute Getxoko Gabonetako argiztapena. Horretarako hitzordua 18:00etan jarri dute, Areetako Eskoletako plazan. Udalak 60.000 euro inbertitu ditu gabon argien instalazio eta mantentze-lanetan. Halaber, beste 44.972 euro inbertitu ditu udalerriko sarrera-irteeratan eta interesdun publikoko beste leku batzuetan apaingarriak ipintzeko.

  Kultura  Getxo 2016-12-02 10:38

"La cuadrilla del hospi"-ren aldeko kontzertua egingo dute zapatuan Areetan

Luminita Duca eta Toru Kannari, piano eta gitarra, osatutako bikoteak ongintzazko kontzertua eskainiko du zapatuan, hilak 3, Areetako Andres Isasi Musika Eskolan. Emanaldia 19:30ean hasiko da eta sarreraren prezioa 5 eurokoa izango da. Diru-bilketa "La cuadrilla del hospi"ren alde izango da, Gurutzetako Ospitaleko Haurren Onkologia atalean prozesu onkologikoren bat duten edo izan duten haurren gurasoek osatutako elkartea, hain zuzen ere.

  Politika  Erandio 2016-12-02 10:00

Gure Esku Dagok sinadura-batzeari ekin dio, berriro ere

Pasa den maiatzaren 20an "adin, pentsaera eta izaera desberdinetako" Erandioko hainbat auzotarrek abiatu zuten "Erandiok Erabakia" izeneko adierazpena. Erandioko Gure Esku Dago taldeak testuaren aldeko 2.500 sinadura batu gura ditu, udalerriko erroldaren %10 bat. Horretarako, GEDk hainbat mahai ipini zituen udako jaietan; sinadura-kopurua biribiltzeko asmoz, pasa den domekan berriro ekin zioten adierazpenaren aldeko sinadurak batzeari. Hala egingo dute datozen asteotan ere. Domeka honetan, abenduak 4, Astrabuduko Josu Murueta plazan ipiniko dira, eta hilaren 18an, Altzagako Jado kalean. Saio bietan, 12:30etik 14:15era.

  Kirolak  Leioa 2016-12-01 20:12

Senda-agiria jaso du Ariane Casadok

Ariane Casado Leioako Emakumeak B taldeko kapitain eta kimuen entrenatzaileak senda-agiria jaso zuen atzo, Leioako Kirol Elkarteak jakinarazi duenez. Kapitaina pasa den otsailaren 2an lesionatu zen, belaunean lotailu-haustura izan zuen-eta. Hala, ia hamar hilabete geroago, Casado "inoiz baino sendoen eta animatuen" bueltatu da, klubaren aburuz.

  Politika  Getxo 2016-12-01 17:17

Udal-taldeen informazio eskubidea "murriztu" gura dutela salatu dute EH Bilduk eta GUKek

Getxoko EH Bilduk eta GUK taldeak salatu dutenez, Gobernu-taldeak udalkideek duten informazio eskubidea baliatzeko modua "murrizteko instrukzioa ezartzeko asmoa" du. Udal gobernuaren berbetan, instrukzioa informazioa eskatzeko modua "normalizatzeko" bidea da, halere, talde bien ustez, horrek informazioa eskuratzeko daukaten bidea oztopatuko du, "besterik ez".

  Politika  Getxo 2016-12-01 16:10

"Terrorismoaren biktima guztiak" oroitu ditu gaur Getxoko Udalak

Getxoko Udalak "terrorismoaren biktima guztien oroimenezko urteko ekitaldia" egin du gaur, eguenean. Udaletxe aurrean, San Inazio plazan, minutu bateko isilunea gorde ondoren, lau txistularik "Agur jaunak" jo dute. EH Bilduk ez du omenaldian parte hartu, "2009an erdietsitako akordioa zaharkituta" dagoelakoan.

  Kultura 2016-12-01 11:46

Asteburuan bertso-jira Sopelan eta Urdulizen!

Erabiltzailearen aurpegia ALBE

Ostiralean Sopelan 20:00etan frontoitik hasita, Maddalen Arzallus eta Aitor Sarriegi bertsolariak arituko dira Gibelurdinek musika taldearekin batera. Larunbatean Urdulizen 13:00ean Txiberri tabernatik hasita, Sustrai Colina eta Uxue Alberdi bertsolariak izango ditugu eta haiekin Koldo eta Unai Etxebarria aita-semeak trikitixa eta panderoarekin.

  Kultura  Getxo 2016-12-01 11:58

Milioi bat euro Begoñako galerien balioa nabarmentzeko

Begoñako galerien balioa nabarmentzeko milioi bat euroko kreditu gehigarria onartu zuen atzo Getxoko Udalbatzak. Diru hori Udalak EHUgaz daukan hitzarmenera bideratuko dute, 2016-2018 denboraldirako. Osoko bilkuraren puntu honek PPren aurkako botoak bakarrik jaso zituen, uste baitute obrak Udalaren baliabide publiko "gehiegi bereganatzen" dituela, "gero emaitza eskasak izateko". GUK eta Ciudadanos abstenitu egin ziren; gainerako taldeek aldeko botoa eman zuten.

  Kirolak  Getxo 2016-11-30 18:00

Jaurena eta Pla Mundialerako sailkatu dira

Bárbara Pla eta Saioa Jaurena Getxo Rugby Taldeko jokalariak sailkatu egin dira hurrengo urteko abuztuan Irlandan jokatuko den Munduko Errugbi Txapelketarako.

  Jendartea  Berango 2016-11-30 17:56

Etxebizitzetako lapurretak nola saihestu erakutsiko dute bihar Berangon

Etxebizitzetako lapurretak saihesten ikasteko hitzaldia emango du Ertzaintzak bihar, eguenean, Berangon. Horretarako hitzordua 19:00etan jarri dute, Berango Antzokian. Izan ere, jakinarazi dutenez, azken hilabeteotan udalerrian jazotako lapurreten ondorioz, herritar batzuek horren inguruko kezka azaldu dute.

  Kirolak  Berango 2016-11-30 17:38

Berangoko atletismo-taldea gorantza doa

Berango Atletismo Taldea sasoian dabil azken aldian. Aurten, berriro ere, iaz emandako errekonozimendua berretsi egin dio Espainiako Atletismo Federazioak; hau da, Estatu-mailako Miliarik onenaren saria eman dio, ondo merezita. Horrez gainera, aurten klubak gorako bideari jarraitu dio izen-emateei dagokienez.

  Politika  Uribe Kosta 2016-11-30 16:28

Kontratazio Zentrala aurkeztu dute Eudelek eta Bizkaiko Foru Aldundiak

Ibone Bengoetxea Herri Administraziorako eta Erakunde Harremanetarako ahaldunak eta Imanol Landa Eudeleko elkarte-buruak Bizkaiko Foru Aldundiak martxan jarri duen Kontratazio Zentralagaz bat egiteko prozesuaren berri eman dute. Guztira, 90 bat pertsonak eman dute izena jardunaldi horretarako; besteak beste, Bizkaiko udaletako alkateak, idazkariak eta udal langile teknikoak.

  Kirolak  Erandio 2016-11-30 16:00

Maider Briongos erandioztarra Euskadiko txapeldunordea da squashean

Maider Briongos gazte erandioztarra, Benedikta Squash Klubeko jokalaria, Euskadiko squash-txapeldunordea da maila absolutuan.

  Kirolak  Sopela 2016-11-30 13:42

Chloe Tracy, Europako Jiu-jitsu txapeldunorde

Chloe Tracy gazte sopeloztarrak argi dauka “andre borrokalaririk onena izan gura” duela, eta horren bila doa. Neskato borrokalariak 14 urte ditu eta daborduko Europako Brasildar modalitateko Jiu-jitsuan txapeldunordea da.

  Kirolak  Getxo 2016-11-30 13:56

Ekaitz Pintado, Espainiako Karate Kopako podiumean

Ekaitz Pintado Astorkiza, Isan Getxo Karate Klubeko borrokalaria, podiumera igo zen pasa den azaroaren 26an, Tenerifen egindako Espainiako 21 urtez azpiko VI. Karate Kopan. Gazte getxoztarrak podiumeko hirugarren koska zapaldu zuen Kata modalitatean; Sergio Galán López madrildarrak irabazi zuen proba.

Zorion agurrak

Hiruka SAREAN