Yes, we art! Gag Street Boys konpainiaren lehen proiektua da, zuzeneko emanaldi bat egiteko prest dauden bi lagunen ekimena. Arte diziplina guztiak biltzen dituen Art Machine tramankuluaren laguntza dute. Hasi da ikuskizuna, baina arazo bat dago. Auto-zentsura zelatan dago, eta lehen mailako artea izan behar zuena zentzugabekeria eta hondamendia bihurtzen da. Gure beldurrak gainditzen ez baditugu, artea arriskuan egongo da, baina publikoari esker ekintza aurrera eramango da.
1385. urtean gaude, Baskoniako bazter urrun bateko plaza batean, non erregeren omenezko urteroko jaiak ospatzen baitira. Bertan, zenbait musika-emanaldi egingo dituzten artistak aurkezten joango da trobadore bat. Ikusiko ditugu suge-sorgintzaile bat, edabe-saltzaile bat, trilero-bikote bat, sorgin magiko bat, titiritero bat... bai eta dama baten eta zaldun baten arteko ihesbide-dueluan amaitzen diren sorpresa gehiago ere. Sarrera: 3 euro
Ohi den legez, abenduan murgildu eta Gabonei zein urte berriari ondoetorria egiteko egitarau zabala prestatu du Berangoko Udalak egunotarako. Besteak beste, antzerkiak, Olentzero eta Mari Domingiri zein Errege Magoei harrerak, kontzertuak eta beste hamaika aukera egongo dira.
Ecuador Etxea eta Baskale elkarteen ekimenez, pentsionisten lau urteotako borrokaren berri emateko argazki-erakusketa hartuko du egunotan Algortako Abian kultur elkarteak. Aurkezpena bihar, urtarrilaren 2an, egingo dute, eguerdiko 13:00etan. Erakusketa hilabete osoan egongo da ikusgai.